استجاب الفنان أحمد جمال لطلب إحدى متابعيه على صفحته الشخصية بموقع التواصل الاجتماعى "فيس بوك"، حيث طلبت منه غناء قصيدة من كلماتها، ليرد جمال قائلاً: "مش كتير عليكي أبدا إنك تحلمي وحلمك يتحقق يا ندا ..وأوعدك إنه هيحصل قريب وكمان لو عجبتني القصيدة أوعدك هتسمعيها بصوتي".
ونشرت "ندا يوسف" بوست على صفحتها على فيس بوك وطالبت من أصدقائها أن يتداولوه حتى يصل إلى أحمد جمال، وكتبت: "طيب بصوا عشان خاطرى والنبى شيروا البوست ده أنا نفسى يوصل لـ أحمد جمال، انا عارفة إن يمكن تشوفوا الموضوع أوفر وفي ناس كتير هتتريق .. بس بليز اسمعونى وساعدونى".
وتابعت، " الموضوع يمكن بالنسبالكوا بسيط أو حتى تافهه أو شايفين الموضوع مجرد واحدة من الفانز لنجم مشهور بس فعلا الموضوع بعيد كليا وجزئيا عن فكرة الفنان المشهور المهم أن ييجى يوم وأقدر أوصله مش بس عشان كلام القصيدة يمكن ده فعلا حلم من أحلامى بس فعلا الموضوع أكبر من إن فنان مشهور يغنى كلماتى، أنا عارفة إنه صعب جدا البوست ده يوصله صدقونى جايز حلمى فعلا تافه بالنسبالكوا بس كبير أوى عندى".