هنأ المنتج محمد كارتر، بكلمات حب وغزل زوجته الفنانة شيماء سيف، بمناسبة عيد ميلادها، ونشر كارتر صورة كوميدية لزوجته عبر حسابه على "إنستجرام".
وكتب كارتر: "الصورة دى متاخدة سكرين شوت من عيني، أنا شايف شوشو كدة ومش هتكبر عمرها فى نظري، لأنها مش مراتى وبس، دى بنتى اللى أنا مبسوط وفرحان بيها، بشوفها فى نومها طفلة، وبشوفها فى زعلها طفلة، وبشوفها فى ضحكتها طفلة".
وأكمل كارتر حديثه: "النهاردة عيد ميلاد بنتى وبنوتى وحببتى وصحبتى وأختى ومراتى وأمي، النهاردة ربنا جابلنا هدية علشان تسعد الوطن العربى كله بخفة دمها، وضحكتها اللى بتداوى القلوب وبتعالج الناس من الاكتئاب، أسعد لحظة فى حياتى لما بلاقى حد كاتبلك أنا كان عندى إكتئاب وخفيت على إيدك".
وتابع كارتر: "لأن الإحساس ده بجد كان عندى قبل ما أعرفك، كنت بضحك وبهرج بس لما كنت بقعد مع نفسى بكتئب دلوقتى انتى سبب الضحكة وسبب النفس اللى بتنفسه، بحبك يا أغلى من عمرى، كل سنة وانتى فى قلبى وفى حضنى وربنا مايحرمنى منك أبدًا".
ومن جانبها ردت شيماء سيف، على تهنئه زوجها لها بمناسبة عيد ميلادها، قائلة: "أنت حبيبى وحب عمرى كله ربنا ميحرمنيش منك أبدًا".
يذكر أن آخر أعمال شيماء كان مسرحية "ون أو ون"، التى عرضت على مسرح مركز الكويت للتوحد خلال احتفالات عيد الفطر الماضى، كما شاركت شيماء فى مسلسل " بدل الحدوتة 3"، بطولة دنيا سمير غانم وعرض فى رمضان المنصرم.