تذكر "عمر" ابن الفنان الراحل طلعت زكريا، والده الراحل بكلمات مؤثرة، إذ كتب عبر حسابه الشخصى على "فيس بوك": "مشاركتك فى أى فيلم كانت بتديله معنى.. وطعم إفيهاتك محفورة فى عقول الناس مش مجرد كلام دى حقيقة.. أنت كبير أوى يا أبويا أوى".
وعدد ابن الفنان الراحل من أعماله التى مازالت عالقة فى أذهان جمهوره ومنها، فيلم :طباخ الريس - حاحا وتفاحة _قصة الحى الشعبى _الفيل فى المنديل _أبو على _سيد العاطفى _حرامية فى kg2 _حرامية فى تايلاند _جائنا البيان التالى _4g الجيل الرابع _ملائكة الشوارع _أبو العربى _غبى منه فيه _خالتى فرنسا - التجربه الدنماركية - ليه خلتنى أحبك- أوعى وشك - إخناتون فى مراكش _ بخيت وعديلة- فتح عنيك- حريم كريم _عوكل- صياد اليمام - شجيع السيما _ عودة الندلة- ولا فى النية ابقى الرجل الأبيض المتوسط".
واختتم ابن الفنان الراحل كلماته: (الزيبق 2_ حريم كريم 2 _ ماما حلوة _ الخوذة) دى حاجات كان هيعملها بس القدر والنصيب.. أنا يمكن أكون ناسى حاجات كتير أوى عملها وأنا صغير، رصيد كبير أوى يا حبيبى تعبت فيه وكافحت وشوفت المر عشان توصل للمكان ده.. أنا فخور بيك ليوم الدين وهفضل أصون اسمك عشان ده تاج على راسى.. الله يرحمك ويجمعنا بيك فى الجنة".