قال المخرج شريف عرفة، "احنا بنتأثر بالمجتمع ولما بنعمل الفيلم لازم يلمس مع المجتمع، ولما عملنا "الجزيرة ٢" كان لازم وقتها لأنه هيلمس مع حال المجتمع من بعد الثورة، لكن حاليا مش هقدر أعمل "الجزيرة 3" وممكن نتكلم عن حاجة متوقع تحصل فى المستقبل، لكن مش دايما مؤكدة.
وأضاف شريف عرفة خلال ندوة تكريمه بمهرجان القاهرة السينمائى، تكريمى بجائزة تحمل اسم فاتن حمامة فخر ليا، وإنه من مهرجان القاهرة شرف ليا.
وتابع: فى مرة تلقيت اتصال من فاتن حمامة وده كان شىء جميل جدا بالنسبالي، وكانت تهنئنى بفيلم "يا مهلبية" وقت عرضه فى مهرجان القاهرة وكانت فاتن حمامة ضمن اعضاء لجنة التحكيم، وعرفتنى أن الفيلم مش هياخد جايزة لأن لجنة التحكيم مش قادرة تفهم الأفشات الكوميدية فيه، ولكن الفيلم عجيها وشكرتنى عليه وطلبت منى اننا نشتغل سوا، وده كان شىء عظيم بالنسبة ليا.
ووجه المخرج الكبير الشكر إلى الفنانة ليلى علوى التى ساعدته فى إنتاج فيلم يا مهلبية وأفلام أخرى لأنها كانت تؤمن به.
وعرض مهرجان القاهرة السينمائى ضمن برنامج تكريم المخرج شريف عرفة، عدد من أبرز أفلامه هي، "الإرهاب والكباب"، "طيور الظلام"، "سمع هس"، "اللعب مع الكبار"، كما يعرض فيلمه الأخير "الممر" فى قسم بانوراما السينما المصرية.