الحق رجع لصحابه..شاكوش وكمال يعتذرون عن نحت لحن محمد حماقي ومدين يرد

محمد حماقي ومدين وحسن شاكوش وعمر كمال محمد حماقي ومدين وحسن شاكوش وعمر كمال
 
محمود جلال

اعتذر مطرب المهرجانات حسن شاكوش والمطرب عمر كمال، للملحن محمد مدين والفنان محمد حماقي، عن سرقتهما لحن أغنية "حاجة مستخبية" في أغنيتهما الأخيرة "بنت الجيران".

وقال عمر كمال، خلال مقطع فيديو  عبر صفحته الرسمية "فيس بوك": "إحنا عوزين نشكر الملحن الكبير مدين ونتأسف له لو هو زعلان مننا، بس هو مش زعلان مننا ، فيديو ده رسالة اعتذار مني ومن أخويا حسن شاكوش لمدين ومحمد حماقي، الأغنية عاملة 65 مليون بفضل ربنا، ثم الناس، ثم طبعا اللحن ‏بتاعك اللي هو لحن أغنية "حاجة مستخبية".

وأضاف عمر: "إحنا عملنا فكرة بنقلش أو بنهزر مع الناس حاجة خفيفة، الحمد لله ربنا كرمنا فيها ونجحت، وبعد كده كان لازم الحق يرجع ‏لأصحابه.

‏كما أوضح حسن شاكوش، مطرب مهرجان: "أنا بقول لك يا مدين الأغنية نجحت بلحنك، وإحنا طبعا لازم نديك حقك ودي ‏أغنية حاجة مستخبية لأخونا النجم محمد حماقي، والفترة الجاية إن شاء الله هنطور  بشكل جديد ومختلف من المهرجان، وأنت ‏يا مدين اللي هتعمل لنا الحاجة دي وهناخد منك لحنها".‏

وكتب الملحن مدين عبر حساب الشخصي "فيس بوك" على فيديو اعتذار عمر كمال وحسن شاكوش على سرقة اللحن، وكتب تعليق على الفيديو:" وانا مش زعلان منكم ولا حاجة و كلامكم ده ياكد انكم فنانين بجد و بتحترموا و بتقدروا حقوق الناس و مستنيكم تنوروني في اي وقت".

مدين
مدين

وكانت أغنية "بنت الجيران" لمطرب المهرجانات حسن شاكوش ومعه عدد من المطربين، قد حققت نجاحا كبيرا، وأصبحت منتشرة فى أوساط الشباب بشدة، ويتم طلبها خصيصاً فى الأفراح والمناسبات والسهرات، وتجاوز عدد مشاهدتها 63 مليون مشاهدة على موقع يوتيوب.

وتقول كلمات أغنية بنت الجيران " سكر محلي محطوت علي كريمة كعبك محني والعود عليه القيمة وتجيني تلاقيني لسه بخيري مش هتبقي لغيري ايوة انا غيري مفيش بنت الجيران شغلالي انا عنيا وانا في المكان في خلق حواليا مش عايز حد ياخد بالو من اللي انا فيه شوفت القمر سهرني لياليا وهموت عليكي ربي العالم بيا سيبي شباكك مفتوح ليه تقفليه".

 


اضف تعليق
لا توجد تعليقات على الخبر