أكثر المصريين حظا، مروان لطفى، الرحالة المصرى الشهير، نشر قصة زواجه عبر صفحته الرسمية بموقع "فيس بوك" والتى نال عليها عشرات الآلاف من التعليقات والتهنئات والحسد من حظه، فقصة حبه وزواجه من أغرب وأجمل القصص التى انتشرت عبر السوشيال ميديا.
مروان قال عبر صفحته: "إتعرفنا على بعض فى ماليزيا، إتقابلنا فى سريلانكا، سافرتلى أمريكا، أشهرت إسلامها، روحتلها المكسيك، رجعت فرنسا، استقالت من شغلها، باعت شقتها وعربيتها وكل حاجة، جاتلى مصر، فكّرت فى حاجة حلوة أعملها ليها، خطط للفرح اللى كانت بتحلم بيه فى شهر، وبعت لأهلها عشان يحضروا ويفاجئوها من غير ماتعرف.. وإتجوزتها".
اشتهر مروان عبر موقع فيس بوك بالفيديوهات القصيرة التى كان ينشرها من كل دولة، لافتا ومسلطا الضوء على أقل تكلفة يمكن لمصرى أن ينفقها من أجل الاستمتاع فى كل دولة ومشجعا إياهم على السفر والخروج من مصر من أجل الاستمتاع بجمال الطبيعة فى دول مختلفة.
مروان قال عن قصة زواجه: "كان لازم أرجع أظبط حياتى و أرسم لنفسى خطة ولو قصيرة للفترة اللى جاية، أفهم فيها وضعى وأحط لنفسى الاختيارات اللى قدامي، وقررت أسيب لنفسى 6 شهور أقضيها مع أهلى وأصحابي؛ بس فى خلال الفترة ديه عملت حاجة لا كانت على البال ولا الخاطر وهى إنى أتجوز. تجوزت إنسانة رائعة، كنا إتقابلنا فى ٤ بلاد أثناء رحلتي، إنسانة شبهى فى حاجات كتير، مختلة عقلياً، ومش فارق معاها أى حاجة، إتجوزنا حرفياً فى شهرين، وحالياً قاعد مع والدتى انا ومراتى لغاية مانجهز شقة نسكن فيها".
خاض مروان عبر تنقلاته وسفره بين أكثر من 120 مدينة عبر العالم بخوضه العديد من المغامرات بعضها طريف وبعضها حمل عددا من الرسائل لمعجبيه ومجمهوره.