طرح الشاعر إسلام خليل وعصام شعبولا أغنية ساخرة من القوى الكبرى وأثرياء العالم، بعنوان "العالم قبل كورونا"، والتى تصف حالة العالم بعد جائحة فيروس كورونا التى ضربت العالم فى لمح البصر.
وتقول كلمات الأغنية:
العالم قبل كورونا.. العالم بعد كورونا
خلاص الغلاف اتشال.. واتكشفت البلونة
النووي اللى يخضنا والقنابل والصواريخ .. قدام قدرة ربنا كله بقى بطيخ
في دول قالها احساسها.. عن الكون دا خلاص قادرين.. العطسة اللى بنعطسها قلبت كل الموازين
دولارتكم رزمة رزمة عجزت قدام الوباء.. لاتقولى دولة عظمى ولا دولة أثرياء
فيروس بسيط يجرّى ..الناس كما الحشرات.. ولا تقولى ولا زري ولا عابر للقارات
فيروس خبيث وانتشر .. خلي الآلاف تموت.. وخلا العالم كله في ثانية واحدة سكوت
العالم قبل كورونا كان البقاء للقوى .. العالم بعد كورونا بقى للضمير والتقوى
يللى مغرور وفاكر.. الدنيا جاه وفلوس.. اهو حتة فيروس ماكر ..خلاك قاعد محبوس
الدول اللى اخترعت ..صواريخ سابقه للصوت.. مكانتش لاقيه كمامة تحمى شعوبها من الموت
حرب البترول والمية.. والغاز والارض تهون.. الحرب خلاص اللى جاية هتبقى كلور وصابون
الناس اللى كانوا بيهاجروا .. على برة من غير حصر.. كلهم دلوقتى بيجروا ..علشان يرجعوا على مصر
العالم وقت الأزمة.. وقت الألم والذل.. ملقاش غير مصر واقفة بتمد إيديها للكل
العالم قبل كورونا كان فيه كبير وصغير.. والعالم بعد كورونا قوانينه هتتغير.. فيه حاجات ياما هتتغير
تحيا مصر .