حرص النجم حكيم، على تهنئة جمهوره بمناسبة أعياد الربيع ورمضان، موجها لهم رسالة بضرورة الالتزام بالجلوس فى المنزل وعدم الخروج منه وعدم تعريض حياتهم للخطر.
وقال حكيم، "كل سنة وانت طيبين بمناسبة أعياد الربيع ورمضان، ويارب كل أيامنا كلها أعياد ومناسبات حلوة ونلتزم ونعقد فى البيت عشان المحنه اللى فيها العالم كله مش احنا بس، يارب يعديها على خير تفاءلوا بالخير تجدوه متفائل أن المحنه هتعدى بسلام ان شاء الله وربنا هيسترها علينا".
وتابع بعد حفله بدون جمهور بمناسبة شم النسيم، "شايف الجمهور بقلبى وفرحان ان كل مصر بتتفرج عليها وقادر أوصلهم ابتسامه وفرحه ووقت سعيد فى الوقت اللى احنا ملتزمين وقاعدين فى البيوت، ده حكم علينا كلنا نلتزم البيت والشعب المصرى قد المسئولية ولما بيحس بالخطورة والقلق تلقيه تتكاتف والتزم وحس بالواجب عليه ولازم نقف جنب البلد ونحلى بالنا لان ده حاجه أقوى مننا والقعدة فى البيت أحسن من القعدة فى المستشفى".
ووعد حكيم الجمهور بمزيد من المفاجآت الفنية خلال الفترة القادمة لأنهم أغلى ما يملك، وقدم مجموعة من أجمل أغنياته ومنها أغنية "رمضان كريم" التى أصبحت الأغنية الأكثر انتشارا منذ طرحها قبل ثلاث سنوات ويرددها كل فئات الشعب بمناسبة قدوم شهر رمضان الكريم، وقدمها لأول مرة أمام الكاميرات، وأغنيات ألبومه الجديد "الراجل الصح، قلبى يا ناس، سيبونا فى حالنا، ليلة بمبى، الجارسون، رقصونى، آه بحبه، الموضة السنة دى، الصعيدى يا دولة".
الجدير بالذكر أن هذه الأغنيات حققت أعلى المشاهدات عقب طرحها على يوتيوب.