علق السيناريست عمرو محمود ياسين على ردرد الأفعال حول الحلقة 28 من مسلسل "الاختيار" للنجم أمير كرارة، وكيف بثت فى نفوس المشاهدين مشاعر الوطنية والغيرة على تراب هذا البلد، فى دليل قاطع على أهمية الفن والقوى الناعمة، فى مقابل الاصوات التى كانت تنادى بوقف تصوير الأعمال الدرامية مع بدء انتشار جائحة كورونا.
وكتب عمرو محمود ياسين على صفحته الشخصية على "فيس بوك": "لسة فاكر كل الناس اللى بتقلل من قيمة الفن وأنه مش مهم وأنهإيه أهمية تروحوا تصوروا.. يا ترى شفتوا الحالة اللى عملها الفن فى الأيام اللى فاتت؟ فرقت معاكم المسلسلات يا ترى ولا لأ؟
وأضاف ياسين: "تخيلوا كدة وأنتم قاعدين فى البيت الأيام اللى فاتت من غير الأعمال الدارمية دى كلها .. و متفرغين فقط لعد أعداد حالات الكورونا ! شفتوا إزاى ممكن حلقة فى مسلسل تغير من عقول و نفوس ناس؟ شفتوا إزاى أعمال فنية ممكن تزرع قيم و مباديء فى نفوس شباب واطفال؟
واختتم ياسين: "مصر محظوظة بقوتها الناعمة.. ياريت ندرك قيمة الفن وأهميته.. ونبطل نسخر منه ونحط من شأنه..
الفن قوة".
كانت دعوات قد انطلقت قبل الموسم الرمضانى، من قبل بعض الفنانين والجمهور ، تطالب بوقف تصوير مسلسلات رمضان بعد قرار الدولة بتقليل الاختلاط وفرض حظر التجول، منعا لانتشار فيروس كورونا، وتضمنت عبارات البعض تقليلا من أهمية الفن ودوره.
تغريدة عمرو محمود ياسين