كريم رمزى يروى تفاصيل إصابته بـ«كورونا» ويؤكد: أنتظر نتيجة المسحة الثانية

كريم رمزى كريم رمزى
 
بهاء نبيل

طمأن الإعلامى كريم رمزى، مذيع قناة "أون تايم سبورت"، جمهوره على صحته بعد إصابته بفيروس كورونا مؤخرا، بعد أن أجرى المسحة منذ أسبوعين، وأظهرت النتيجة إيجابية الحالة، بأنه يتمتع بصحة جيدة، ولا يعانى من أى مشاكل كبيرة.

وقال كريم رمزى، فى تصريح خاص لـ"عين": اكتشفت إصابتى بالمرض يوم الجمعة قبل الماضية، بعد أن شعرت بسخونية، وتكررت على مدار اليوم، بعد ما أخدت خافض للحرارة، وكلمت دكتور وحكيتله فقالى غالبا كورونا، ودى بداية أعراضها، والموضوع صدمنى فى البداية، وبعدها على طول عملت المسحة وطلعت النتيجة إيجابية.

وتابع: فيروس كورونا مشكلته معايا كانت فى التوتر، أنا حالتى معقولة كتير عن غيرى وأنا من الناس اللى لم تأت لها الأعراض كلها، وجالى سخونية وشوية وجع فى الصدر وكحة وضيق تنفس بسيط، لكن لم تأت لى باقى الأعراض مثل الإسهال أو الصداع؛ لأن الكورونا بيختلف من شخص لشخص آخر.

وأضاف، قمت بعزل نفسى داخل حجرتى فى المنزل بشكل جيد إلى حد ما، حتى لا تنتقل العدوى لأفراد أسرتى، وأخدت الأدوية بانتظام، حتى بدأت حالتى فى تحسن كبير ونفسى بقى أفضل والسخونية انتهت منذ أول يومين، وعملت أشعة للصدر المقطعية وطلعت الحمد لله تمام، وعملت المسحة التانية وهستنى النتيجة بقى عشان أتأكد إن أنا عديت المرحلة قريب.

واختتم حديثه، أنا كنت زى كل أناس خايف ملاقيش دكتور أو مستشفى أو علاج، لكن حطيت فى نفسى إن اللى خلق الدكتور وعمل العلاج هو ربنا، فلو لقيت الأطباء عجزوا فلا تيأسوا لأن ربنا موجود، وهو اللى بيحفظنا ويحمينا فى النهاية، وبجد اللى يقدر يقعد فى البيت ياريت يفضل فى بيته؛ لأن الأيام دى صعبة أوى، والمرض قريب أوى مننا.

 


اضف تعليق
لا توجد تعليقات على الخبر