دعم الشاعر أمير طعيمة الفنان يوسف الشريف بعد الهجوم عليه بسبب تصريحاته الأخيرة بأنه لا يقبل المشاهد الساخنة والتى تضمن القبلات والأحضان ووصفه البعض بأنه يدعى الفضيلة، وقال أمير عبر تويتر: "بتوع حرية الرأى واللى دائما بيدافعوا عّن كل اللى يغضب ربنا، بيهاجموا الراجل اللى عايز يرضى ربنا فى شغله وبيرفض تقديم ما يخدش الحياء فى أعماله... وأصلا ما فرضش رأيه على الآخرين، هو فقط مختار لنفسه طريق مريحه وناجح فيه".
بتوع حرية الرأي و اللي دائما بيدافعوا عّن كل اللي يغضب ربنا، بيهاجموا الراجل اللي عايز يرضي ربنا في شغله و بيرفض تقديم ما يخدش الحياء في اعماله.
— Amir Teima (@AmirTeima) June 27, 2020
و اصلا ما فرضش رأيه علي الاخرين، هو فقط مختار لنفسه طريق مريحه و ناجح فيه.
يا جدعان النفس اللي بيخرج منك ممكن ما يرجعلكش، ما تبقوش كده.
وتابع طعيمة: "يا جدعان النفس اللى بيخرج منك ممكن ما يرجعلكش، ما تبقوش كده".
وكان يوسف الشريف صرح فى آخر لقاء تليفزيونى له مع الإعلامى رامى رضوان: "فى قيود أنا بحطها لنفسى زيادة عن أى حد تاني، ودى حقيقة حتى لو وصلت لدرجة العقود.. دى حقيقة بقالها 10 سنين أو أكتر، ده من بعد فيلم هى فوضى، بدأت أفكر بالطريقة دي.. دى حرية شخصية طالما مبضرش حد.. أنا مبستريحش لو بقى فيه مشاهد ساخنة أو فيها قبلات.. دى قاعدة بطبقها على نفسى بس.. بدأت أحط قيود لأن قبل كده فى منتجين اتفقت معاهم على ده ووقت التنفيذ غيروا كلامهم".
وتابع الشريف: "وهنا أنا لا أزايد على زملائى أو إنى أحسن منهم، بالعكس كلهم ليهم الاحترام ومنهم من يقدمون أعمالا محترمة دون أن يتعمدوا هذه الطريقة.. عشان بس الكلام ميتفهمش إنى بزايد عليهم أو بقول إنى أحسن منهم.. خالص".
يوسف الشريف كانت آخر أعماله فى الموسم الرمضانى الماضى مسلسل "النهاية"، من فكرته وتأليف عمرو سمير عاطف وإخراج ياسر سامى وإنتاج شركة سينرجى وبطولة يوسف الشريف، عمرو عبد الجليل، سهر الصايغ، ناهد السباعى، أحمد وفيق، محمود الليثى، سارة عادل، محمد مربان، محمد العمروسى، أيمن الشيوى، وضيوف الشرف اياد نصار، سوسن بدر، محمود عبد المغنى، أحمد مجدى، عمر الشناوى وغيرهم.
