اعتذر الفنان محمود العسيلى عبر حسابه على موقع التواصل الاجتماعي تويتر، للفنان سامو زين، بعد المشادة التى نشبت بينهما صباح اليوم.
وقال العسيلى في تغريدة له بعد المشادة :«أستاذى ومعلمى أنا آسف إن التويتة بتاعتى ضايقت حضرتك وإن شاء الله المسلسل يكسر الدنيا وياخد أحسن مسلسل كوميدى السنة دى، رمضان كريم».
ورد سامو زين فى تغريدة عبر حسابه قائلا :«أنا قبلت الاعتذار وربنا يكرمك بأذن الله وياعبده بطل تزعل الناس منى، كل الفنانين أخواتى وحبايبى، وعبده الفتوة يوم الجمعة حيفتح الأكونت الخاص به على تويتر ويرحب بيكم جميعاً جمهورى الغالى، علشان الموضوع هنا مش ماشى معايا أخد راحتى».
وكانت الحرب قد نشبت بين العسيلى وسامو، حينما كتب العسيلى:«نفسى اكتب تويته عن المغنى اللى طلع فى دور بلطجى»، فرد عليه سامو:«في أهطل بيقول عن نفسه فنان وهو أراجوز بتلاتة مليم، لسه شايف التويتة بتاعته أحب أقوله انت أهبل يلاا تتكلم عن أستاذك خليك بالبزازة بتاعتك مجنونة».
