أحمد العوضى: ياسمين كسرت أباجورة بسبب غيرتها

احمد العوضي احمد العوضي
 
كتب بهاء نبيل
قال الفنان أحمد العوضى، ياسمين عبد العزيز غيورة جدا، وده لمسته منها لما جت مرة عندنا في البيت عند والدى، والأباجورة خبطتها في كتفها وهى قاعدة فبتقولى ايه ده قولتلها دى "دولت" أنا مسميها كدة وعزيزة عليا، فراحت مسكاها ورمتها فى الأرض مكسراها، ومن هنا أدركت أن الموضوع كبير والغيرة واصلة للأباجورة عشان مسميها "دولت".
 
وأضاف العوضى خلال لقائه في برنامج "معكم" تقديم الإعلامية منى الشاذلى، المذاع على قناة CbC، في مرة كنت قاعد وشافتنى باكل الحمامة بعضمها، وهى حسستنى إنى باكل بنى آدم واتخانقت معايا إزاى أكلها بالشكل ده وقالت لى: أنت يتخاف منك
 
وتابع، بعدها بـ 3 أيام لقيتنى باكل الكبدة نيئة ودى عادة فيا ومتعود أكلها بدمها، وهى كانت لسة صاحية الساعة 10 الصبح، ولما شافتنى بتقولى ده جيلى ولا إيه فقلتلها لا دى كبدة نيئة ومتزعقيش، فقالتلى: لما أنت بتاكل كبدة نية هتعمل فيا إيه ؟
 
وأرسلت النجمة ياسمين عبد العزيز سؤالا لزوجها أحمد العوضى عن أكثر شيء يحبها فيها والأشياء التي لا يحبها وما الذى يضايقه منها، وجاوب العوضى قائلا، أكتر حاجة بحبها فيها إنها حنينة وجدعة وفى ضهرى، ومفيش حاجة مبحبهاش فيها ، وأكتر حاجة بتضايقنى منها التطويل في الخناقة بيننا: أنا بحب الموضوع يخلص في كلمة ونص.
 
وشارك أحمد العوضى فى أحدث أعماله من خلال مسلسل "شديد الخطورة"، ‏الذى يعرض على منصة watch it، ويتناول قضية الهاكرز ‏وخطورتهم على الأمن ‏القومى واستخدامهم بشكل كبير فى ضرب مؤسسات ‏الدولة.‏
 
مسلسل "شديد الخطورة" يخطط تقديمه على أكثر من جزء كل جزء 7 حلقات على منصة watch it  الرقمية، ويشارك فى بطولته أحمد العوضى وريم مصطفى، رياض الخولى، هادى الجيار، محمود حجازى، ناهد رشدى، حمزة العيلى، حسنى شتا، خالد كمال ومن تأليف محمد سيد بشير وإخراج حسام على وإنتاج شركة سينرجى.
 
كما شارك العوضى فى موسم رمضان الماضى في مسلسل "الاختيار" بطولة أمير كرارة ودينا فؤاد وسارة عادل وضياء عبد الخالق وعدد كبير من الفنانين وهم محمد إمام، آسر ياسين، محمد رجب، إياد نصار، كريم محمود عبد العزيز، ماجد المصرى، صلاح عبد الله، كريم عبد الخالق، محمد عز، مها نصار وآخرين وهو من تأليف باهر دويدار، وإخراج بيتر ميمى، وإنتاج شركة سينرجى.
 
 
7c841d73-7769-4c08-aedc-cdacc1163bde
 

 

59ee8609-9253-4309-9b9e-827cebcfb836
 

 

798d3892-f7e1-4ce3-91ba-3ed584c71c30
 

 

a85b3c41-71db-4fdb-ab8a-3412f6d25745
 

 

c60f08cf-dbe5-4a68-9e23-4bade3956af5
 

 

e161cf44-7700-4be6-b2d3-1809d4668ab6

 

 

 

اضف تعليق
لا توجد تعليقات على الخبر