هنأ الفنان أحمد السعدنى، النجم تامر حسنى على أغنيته الجديدة "مبطلناش إحساس"، وكتب السعدنى قائلا: "تمثلنى قوى والكلام حلو قوى بس متأكد من حتة مبطلناش إحساس دى ".
ليرد تامر حسنى، على أحمد السعدنى قائلا: "مش احنا يا صاحبى اللى نبطل نحس احنا ممكن نزعل جامد فترة كبيرة بس لايمكن منحسش انشف يا صاحبى".
وعبر النجم تامر حسنى عن سعادته الكبيرة بنجاح أغنيته "مبطلناش إحساس"، وتحقيقها أكثر من 4 ملايين مشاهدة فى يوم واحد، وكتب عبر حسابه بموقع "انستجرام" : "فخور انى غنيت من قلبى موضوع مهم وانتوا صنفتوه انه راقى وبيعبر عنكم، فخور انه محتوى صوتى فقط يعنى مش كليب ويحقق 4 مليون مشاهده فى يوم واحد".
وتابع :" بجد الحمد لله واستقبالكم للمواضيع الراقية بالطريقة دى بيثبت ان الناس متغيرتش بس اللى بيعمل حاجه مختلفه وصادقه بتوصل وزى ما دايماً بقول اللى بيطلع من القلب بيوصل للقلب..شكراً لكل محبينى ومحبين مبطلناش إحساس ".
كما وجه رسالة شكر لصناع الأغنية الشاعر محمد القاياتى، الملحن محمد حمزة، الموزع أمين نبيل، المهندس هانى محروس والماستر جلال حمداوى وإدارة الإنتاج هانى صليب.
وفى سياق آخر يبحث النجم تامرحسنى، عن وجهين نسائيين جديدين يجيدا التمثيل والغناء إحداهن فى مرحلة العشرينات والأخرى فى عمر المراهقة وذلك لبطولة فيلمه القادم ويتكتم حسنى الإعلان بأى تفاصيل أخرى عن العمل.
والفيلم من إنتاج شقيقه الأكبر حسام حسنى ويعد الفيلم الثانى التابع لشركة الشقيق بعد فيلم "مش أنا" المنتظر عرضه فى إجازة نصف العام الدراسى يشارك فى الإنتاج شركة سينرجى وشركة سكاى ليمت أحمد دسوقى.