رحبت النجمة إسعاد يونس فى بداية الحلقة من برنامج صاحبة السعادة بالفنانة روجينا وزوجها الدكتور أشرف زكى، نقيب المهن التمثيلية، قائلة: "النهاردة فى ضيافة قصة حب جميلة ومشوار كفاح طويل من وهما صغيرين حتى الآن".
وتحدث الدكتور أشرف زكى عن قصة حبه لزوجته روجينا، وكيف وقع فى حبها من أول لحظة عندما شاهدها فى المعهد مع والدتها، قائلا: "شوفتها جميلة ومؤدبة وبنت ناس وحلوة وأول ما شوفتها قلت هتجوزها وبعد ما اتعرفت عليها قولتلها هروح أعمل عمرة وهرجع أتقدم ليكى عالطول، وبعد ما رجعت من السفر على وقتنا كان مفيش موبايل ومعرفتش أوصل لبيتها لحد ما لقيت صاحبتها ووصلتنى ليها، واتفقت مع صاحبتها تطلع وتنزلها، وفضلت قاعدة عندها 4 ساعات وقالت لها تعالى نزلينى، وأول ما نزلت روجينا لقيتنى فى وشها، واتصدمت، وقعدت اتكلم معاها فى العربية وقلت لها أنا عاوز أتجوزك، وحطيت خطة لحياتنا"، ثم قاطعته روجينا قائلة: "ولحد دلوقتى ماشيين على الخطة اللى حطها من زمان".
يذكر أن برنامج "صاحبة السعادة"، تقدمه الفنانة إسعاد يونس، يومى الإثنين والثلاثاء من كل أسبوع على قناة "dmc"، فى تمام الساعة الحادية عشرة مساء.