وعن علاقتها بأحمد زكى، رغم تعاونها معه فى 4 أفلام فقط، هى (كابوريا - الإمبراطور- استاكوزا - أبو الدهب"، جسد فيهما الثنائى علاقة شرسة داخل أفلامهما، مما دفع الكثيرين لإطلاق الشائعات بزواجهما فى السر بعد أن ظهرا بشكل "الحبيبة" فى أفلامهما.
ويسترجع "اليوم السابع" بعض تصريحات "رغدة" المتعلقة بحياتها الشخصية مع الراحل أحمد زكى، أثناء تواجدها مع الإعلامى اللبنانى "نيشان" فى برنامج تليفزيونى منذ عدة سنوات.
وتحدثت رغدة عن علاقتها الشخصية مع الإمبراطور قائلة: "إحنا الاتنين لينا تركيبة شبه بعض، محبيناش بعض زى روميو وجوليت، بس كتير حبينا بعض، أنا كنت بفهمه كتير، رغم إنه مكانش بيتكلم كتير، يعنى مفاتيحه عارفاها، وهو كان بيرتاحلى وأنا كنت برتاحله، لكن لم نكن نصلح كزوجين، بس إحنا كنا علطول زى القط والفار مع بعض، علاقة غريبة".
وأضافت رغدة، فى تصريحاتها: "تعرف ليه أنا مرتبطتش بيه علشان كان فى آخر سنة فى سرير المرض، ومرضيتش أتحط فى موقف الإجبار، وحبيت أبقى بجانبه للنهاية، وبعدين أنا مكنتش مرتبطة بحد، وكنت منفصلة، وهو أيضا، فين المشكلة وإيه العيب إننا نرتبط".
وتابعت الفنانة السورية قائلة: "لو كنت تزوجته كنت قلت، هو فعلا عرض عليا الزواج وهو فى سرير المرض، قال لـ"وطنى" مدير أعماله: "انزل هات المأذون، علشان احميها، لأنى كنت بتعرض وقتها لحملة شرسة جدا، علشان أقطع الألسنة كلها، وأنا اللى كنت أقوله لا، علشان هو كان بيحتضر، وأنا رفضت ان يحصل دا علشان الناس، الناس لا تنفع فى وقت الألم".
واختتمت حديثها قائلة: "أنا حبيت أبقى للنهاية معاه، أحمد دخل الغيبوبة على كتفى أنا، وبعدها بكام يوم ارتاح لخالقه".