قالت النجم منى زكى، "أنا دايما بدور على فكرة التنوع وبحاول أدور على ده علطول وتكون الشخصيات مختلقة ولا أقصد الوظيفة، واحنا كستات معندناش الفرصة دى كتير وجيلى من المحاربات عشان نحقق الموضوع ده".
وأضافت خلال ندوة تكريمها بمهرجان القاهرة فى دورته الـ42، "الستات زى الرجالة فى النجاح فى كل شىء ولكن اللى بيحصل ان فى منتجين مش بيحبوا يجازفوا ولو منتج كبير تحمس لذلك اكيد هايكون فى افلام بطولة نسائية تحقق نجاح، وياسمين عبد العزيز قدرت تحقق ده جدا".
وتابعت، علاقتى بزملائى جميلة جدا، ومنة شلبى هى موهبة مش عادية، وهند صبرى فنانة مثقفة جدا، وياسمين عبد العزيز مفيش حد فى روحها وطلتها، ومفتفدة حنان ترك لأنها كانت موهبة مش عادية وكاريزما فظيعة.