كشف الفنان والمذيع خالد عليش عن أفضل أكلة يحب الإفطار عليها فى شهر رمضان حينما أكد لـ"عين" أن هناك أكلة واحدة لا يستطيع أن يتمالك نفسه أمامها من كتر ما بيحبها – على حد قوله- حين قال: المكرونة البشاميل بموت فيها، ومش بقدر أمسك نفسى قدام جمالها، ومش عارف السر فى كده يمكن علشان والدتى بتعملها كويس، والحمد لله إن فى البيت زوجتى بتعملها كويس هى كمان، علشان كده ما عنديش مانع إنى آكلها كل يوم.
خالد عليش أكد أيضاً أنه مثلما هناك أكلات يعشقها مثل المكرونة البشمل هناك أكلات يحبها لكن لا يتمكن من أكلها خلال رمضان للأسف حين قال: بحب جداً آكل الكريبات، ودى أكتر أكلة بحبها من بره البيت لكن للأسف مش باكلها فى رمضان كتير خاصة مع ضغط الوقت لأن يدوب الواحد بيفطر وساعات قليلة بتكون على السحور اللى بالتأكيد مش هيكون كريب.
خالد عليش يشارك حالياً فى مسلسل اللهم إنى صائم مع مصطفى شعبان وريم مصطفى، والتى تدور أحداثه حول نصاب يقوم بعمل أكثر من عملية نصب ضمن أحداث المسلسل قبل أن يقع فى حب ريم مصطفى.