فرح الزاهد: "كنت عاوزة أبقى دكتورة فى الجامعة.. والزواج قدر"

فرح الزاهد فرح الزاهد
 
كتب رامى محيى الدين

أكدت الفنانة فرح الزاهد أن عام 2021 له أهمية خاصة بالنسبة لها كونه شهد مولدها الفنى قائلة : " بدايتى كانت فى 2021 قبل معملتش أى حاجة وأنا فى السنة دى حبيت حلمى ".

 

تابعت فى لقاء خلال برنامج " كلمة أخيرة " الذى تقدمه الإعلامية لميس الحديدى على شاشة قائلة " ON :"عملت أدوار كويسة خلال عام 2021 بس بتكسف أشوفها وبقول إيه إلى أنا عملته ده ".

 

واصلت : " قبل 2021 كنت عاوزة أورى الناس موهبتى وفى نفس القت مكنش فيه فرصة وكنت بحب المذاكرة أوى وكنت عاوزة أبقى دكتورة فى الجامعة لكن فكرت أنى لو ذاكرت بس هخفى موهبة جوايا وعملت " الطاووس " ومخرج " الطاووس " فاروق عبد العزيز كان سبب فى ده وقلتله خلتنى أحب حلمى ".

 

 وعن مشاعرها لدى مشاركتها شقيقتها هنا الزاهد فى مسلسل " حلوة الدنيا سكر قالت : " مكنتش هادفة لده بس المخرج قلها خلى أختك تبقى معاكى فى دور أختك وصوتكوا زى بعض وكنت خايفة ومش حابة حد يقول " واسطة "وده حصل من أول مانزل البوستر قالوا واسطة وشتمونى لكن بعد ماشافوا دورى قالوا مش واسطة وأنتى موهوبة عشان كده كنت عاوزة أقولهم شوفونى واحكموا عليا ".

 

وقالت فرح الزاهد أنها تتمنى أن يكون عام 2022 أفضل بالنسبة لها وأن تكون أكثر هدوءاً لانها تشعر دوماً أنا مشتتة "، وتابعت: "نفسى ابقى هادية أكتر وأفكر أفضل لانى دائماً مشتتة ".

 

وكشفت عن أمنياتها فى 2022 رداً على سؤال الإعلامية الحديدى هل الزواج جزء من أمنياتك خلال العام الجديدى قائلة : " الزواج قدر وأكيد نفسى أتجوز ولما بشوف هنا بقول نفسى ".

 

لكنها عادت وقالت : الزواج قدر وأنا عاوزة أحقق نفسى الاول وبعدين أفكر فى الجواز ".


اضف تعليق
لا توجد تعليقات على الخبر