المطربة ياسمين علي عاشت حالة شديدة من الخوف بعدما فوجئت بحريق يندلع في شقتها لم تعرف مصدره في البداية أو سببه، لكنها وجهت رسالة من إلى جمهورها بأن يحمدوا الله على نعمة الستر والأمان.
حريق شقة ياسمين علي
ونشرت الفنانة ياسمين علي صورة من داخل شقتها عبر حسابها بتطبيق انستجرام وكتبت تعليقا عليها: "ما بحبش الطاقة السلبية والله بس اعمل ايه طيب، امبارح الساعه 2 بليل كنت قاعدة مع بابا وماما وبنتفرج عالتليفزيون قمت عشان أروح أوضتي انامـ ةدخلت الأوضه قعدت دقيقه شميت ريحة بلاستيك محروق ومش فاهمه الريحه جايه من فين فجأة بدون مقدمات وربنا عالم باللي حاقوله (لقيت السقف علي وسعه مولع نار كله بمعني الكلمه وفجأة النار اتشفطت وبقت مختصرة فالشكل اللي انتوا شايفينه ده وقفلنا الكهرباء ورشينا ميه".
وأضافت: "كل ده ف لحظات اتاري الجار من فوق في مية بتنزل من عنده عالسقف عندنا فعملت ماس فالكهرباء وحصلت النار اللي شوفتها دي، لو ماكنتش دخلت الاوضه ف التوقيت اللي روحت فيه، الله اعلم كان حصل ايه".
ياسمين علي
ياسمين علي حادث سيارة
كما وجهت ياسمين علي رسالة إلى جمهورها قائلة: "وقبلها بكام يوم كنا لسه عاملين حادثه بالعربية مع عربية نقل كبيرة، فما تنخدعوش بالضحك اللي بضحكه، كل واحد له فيلم عايشه، احمدوا ربنا علي كل لحظة امان انتوا عايشينها بدون ترويع وعدم ستر وماتبصوش لحياة حد ابدا من بره".
ياسمين علي تغني تتر الضاحك الباكي
يشار إلى أن ياسمين علي غنت تتر مسلسل "الضاحك الباكي" الذي انتهى عرضه مؤخرا ومن بطولة عمرو عبد الجليل، ويتناول السيرة الذاتية للفنان الراحل نجيب الريحاني، وشارك في بطولته فردوس عبدالحميد، رزان مغربى، محمد سليمان، رامى الطونبارى، ياسر الطوبجى، الروسية يانا جمال، المطرب مصطفى شوقى، المطربة صولا عمر، تأليف محمد الغيطي، إخراج محمد فاضل.