رد النجم شريف منير على الانتقادات التي طالت ابنته اسما شريف منير بعدما حلقت شعرها، وظهرت في فيديو تقص فيه شعرها، وظهرت بهذا اللوك في حفل توزيع جوائز مهرجان القاهرة للدراما الذي أقيم في العلمين.
وقال شريف منير في فيديو عبر حسابه بموقع انستجرام: ايه الضجة دي كلها، كل ده علشان بنتي قصت شعرها! إيه الغلط اللي هي عملته! يعني تصرف عادي جدا مفيهوش أي حاجة، أوعوا تفتكروا أني ممكن اجي على بنتي علشان خاطر اكسب رضاكم، دي بنتي اللي مليش غيرها واللي بحبها.
شريف منير و اسما شريف منير
وأضاف شريف منير مدافعا عن ابنته اسما شريف منير: بالمناسبة، اللوك اللي عملته عاجبني، وانا مبسوط منها اوي.
وسخر شريف منير من انتقاد البعض لابنته، ووصفهم باستنكار "السادة الملايكة الصالحين"، ورفض انتقادات طالتها منها انه لم يحسن تربيتها، إذ قال : انا بنتي متربية كويس، وهي بتتصرف باللي حاسة بيه، ومن المهم ألا تؤذي أحدا، وقبل ما تتكلموا بصوا على نفسكم، اتفرجوا على عيلتكم وعلى أولادكم، وعلى أخواتكم، وعلى الناس اللي حواليكم، وذلك قبل انت تنقدوا وتغلطوا، وانا بنتي متربية كويس جدا.
كما قال شريف منير للمنتقدين: على العموم ريحوا نفسكم وأهدوا شوية، لأن اللي حصل من بنتي مش غلط، ومش عيب، هي مغلطتش في حد فيكم، وهي حرة في نفسها، وبنتي عندها 36 سنة وأم وعندها بنت، ومسؤولة عن نفسها، وأنا أب مسؤول عن حمايتها، إنما هي حرة في تصرفاتها.
ودعما لابنته اسما شريف منير قال والدها: اسما زي القمر، وشكلك كان حلو جدا، واخدتي التريند برافو عليكي، ومتسمعيش كلام حد، ومتهمتيش بكلام حد، وانا مش مهتم بالكلام اللي بيتقال عليا أو عليها، المهم اننا منضرش حد.
اسما شريف منير حليقة الرأس
وظهرت اسما شريف منير علي السجادة الحمراء ب مهرجان القاهرة للدراما بعدما قصت شعرها نتيجة تعرضها لازمة صحية تسببت في سقوط شعرها.
اسما شريف منير
وقالت أسما شريف منير إنها لم تقُم بحلق شعرها نتيجة حزنها، مضيفة: "ولكننى كنت بالفعل زعلانة الفترة الماضية، ولكن هذا ليس هو السبب لقيامي بحلق شعري، ولكن كان السبب أن أعيش في حالة القادرة على تخطى أحزاني".