تحدثت الفنانة الكبيرة يسرا عن محطاتها الفنية وتعاونها مع الزعيم عادل إمام خلال ندوة في مهرجان الجونة السينمائي بدورته السادسة قائلة: "عملت 17 فيلمًا مع عادل إمام من أحلى أعمالي وهو دمه خفيف وبيكون حافظ كل حاجة وبيخلي الحياة لذيذة وسهلة وتستمعي بالشغل معه وبيختار موضوعات مهمة".
عن الأدوار الجريئة التي عرضت عليها قالت يسرا: علي حسب الدور هل أنا هفيده ولا هو هيفيدني والجرأة جزء من الشكل بتاعي، متابعة: عملت مع رأفت الميهي أحلى فيلم وهو الأفوكاتو وفي ناس وقفت ضدنا في محاكم ولا أنسي موقف في مرة ناس معديين ندهوا عليا عاوزين نتجوزك يا عطية".
وعن تلقيها عروضًا من خارج مصر قالت يسرا: جالي فرصتين اشتغل بره مصر كان في هوليود وفرنسا ورفضت الاتنين لأن السيناريو معجبنيش وأتعرض عليا مليون دولار وقتها، وأنا عمرى مع حبيت ولا أتمنيت اشتغل بره لأن أنا رقم 1 في الوطن العربي والناس بتحبني أروح برة وأبقى رقم 12 ليه.