آمال ماهر ترد على الشائعات التي أثيرت حولها خلال الفترة الماضية، وقالت تطمئن جمهورها: "أنا بخير، والحمدلله على محبة الناس.. أنا لما طلعت في فيديو دقيقتين قالوا مش هي، ومش في بيتها".
امال ماهر مع عمرو اديب
وقالت آمال ماهر خلال حلولها ضيفة على عمرو أديب في برنامج "الحكاية": "أنا اتخضيت من كتر الناس القريبين اللي بيكلموني، وبكلمهم وأرد عليهم ومش مصدقين إني أنا بكلمهم، بكلم قرايب وأصحابي بيقولوا لا ابعتيلنا صوتك، قلت لا انتو بتستهبلوا وزودتوها"، مردفة: "كنت أمشي، أقولهم والله ما في حاجة، كنت بروح الجيم، ولما تعبت وبطلت اتأكدوا قالوا لا خلاص دي مخطوفة وفيها حاجة، لا مفيش أي حاجة".
المغنية امال ماهر
وواصلت الفنانة آمال ماهر : "بحس إن بالفطرة كده، الناس بتجري ورا أى إشاعة، والمرة الجاية لو فيه حاجة هسيب فيديو احتياطي"
واستكملت آمال ماهر: "أنا غنيت وقالوا لا مش هي برضو، قالوا دي دوبلير، ولغاية برضو وأنا قاعدة معاك يقولوا مش أنا، أو حاجة قديمة".
المطرب امال ماهر
تصريحات امال ماهر
وأعربت الفنانة آمال ماهر، عن سعادتها لما يحدث في السعودية، مردفة: "أنا كمصرية عربية سعيدة بالتطور الفظيع اللي حاصل لأن دا تطور للوطن العربى بالكامل، عارف لما تكون فخور بحاجة بتحصل في منطقة عربية عندك، دا بيخلي الواحد فخور وفرحان إن فعاليات عالمية بتحصل على أرض عربية، ودي حاجة كلنا متشرفين بها".
ظهور امال ماهر
وأوضحت آمال ماهر، أنها شاهدت تركيبة جديدة في السعودية، مشيرة إلى أن ما أعجبها أشياء كثيرة، منها التنظيم والشكل والأشياء غير المتوقعة.
وعن علاقتها الفنية مع المستشار تركى آل الشيخ رئيس هيئة الترفيه السعودية، قالت الفنانة آمال ماهر: "كان عندنا علاقة فنية ونجاحات كتير وإن شاء الله يحصل نجاحات قادمة بإذن الله".