نشرت روجينا، عبر حسابها الشخصى بموقع التواصل الاجتماعى «فيس بوك» صورة للشهيد أحمد منسى، وعلقت عليها «إنا لله وإنا اليه راجعون البطل العقيد أحمد صابر منسى الله يرحمه للأسف حد بعتلى التسجيل الصوتى لآخر كلام قاله لا مش للأسف بالعكس كانت رسالة بالنسبالى أولا دا مش صوت واحد عارف انه ممكن يموت بعد دقايق دا صوت واحد يوم فرحه منتهى السعادة منتهى الثقة منتهى التحدى منتهى الإيمان بربنا منتهى الطاقه الايجابية وهو بيفارق الحياة ياترى كان حاسس بالى رايحله ياترى كان حاسس بمكانته عند ربنا».
وأضافت: «فضلت أدور على صورة له.. عشان اتخيل الصوت مع الصورة لقيته ماشاء الله زى القمر هو فعلا وتأكدت إنه ابن موت، ربنا يصبر أهله.. صعبانة عليا مصر وولادها (ولاتحسبن الذين قتلوا فى سبيل الله أمواتا بل أحياء عند ربهم يرزقون)».
جدير بالذكر أن روجينا شاركت فى رمضان الماضى يمسلسل «كفر دلهاب» أمام الفنان يوسف الشريف، وعرض حصريًا على قناة ON E وإنتاج شركة سينرجى للمنتج تامر مرسى.