عبرت مقدمة البرامج سالى عبد السلام، عن استيائها الشديد من الحاسدين، بعدما وصلها عدد كبير من رسائل المعجبين حول شعرها بسبب طوله وكثافته.
ونشرت سالى صورة لجزء من فروة رأسها وهو خال من الشعر تماما عبر حسابها على موقع التواصل الاجتماعى فيس بوك، مؤكدة أن السبب فى ذلك هم الحاسدين.
وكتبت "سالى"، "أصدمكم اكتر !!لكل حد كتب كومنت على رأسى والله..أنا بقرأ الأذكار كل يوم!! مبفوتش فرض وبالسنن وقيام الليل الحمد لله..المعوذات قبل ما انزل!!! القرآن والبخور كل يوم!! كل يوم والله..وبحلف!! بس والله كدة كتير عليا! أنا تعبت".
وتابعت، "عمرى ما كنت بركز فى الحسد بس مؤمنة بيه.. مبركزش من كتر ما بتتقالى أنتى محسودة والناس مركزة معاكى بزيادة؟!!! أنا؟؟ طب ليه؟؟! يجوا يشوفوا الواقع..ولا حاجة بتكمل فى جميع النواحى الحمدلله..عمرى ما زعلت على شغل راح أو جوازه أو عربية أو صحاب وببقى عارفة أن ده تركيز وناس بتتمنى زوال النعمة منك أعوذ بالله ربنا يديهم أضعاف أضعاف اللى بيفكروا بس فيه..لكن فى شعرى ألاقيه كدة إمبارح فجأة لا!!!! كدة كتير وفوق طاقتى يا ربى".
وأضافت، "لما ألاقى جروبات كتير بتتكلم على شعرى ويا ترى ده اكستنشن ولا ولا من غير ما شاء الله.. السوشيال ميديا بجد ضيعتنا كلنا أعوذ بكلمات الله التامات من شر ما خلق".
