ظهرت الفنانة فيفى عبده فى الحلقة الثانية من برنامج "SNL بالعربى" المذاع عبر فضائية ON E، وقالت: "البرنامج لذيذ جدا وكل اللى فيه لذاذ جدا وأنا حبيتهم جدا، وأنا بقالى 3 أيام معاهم بس من أسعد الـ3 أيام اللى قضيتها فى حياتى".
وتابعت فيفى عبده قائلة: "رحت اتعزمت فى الهند علشان أعمل فيلم اسمه (ساند سونا) يعنى الدهب والفضة بالهندى.. وكان معايا ممثل كبير جدا والمفروض إن الراجل واصل قوى.. وكنت كل ما بشوفه راكب عربية بقوله انا عندى زيها بالظبط فى مصر.. ولو لابس بدله بقوله عندى نفس اللون وأى حاجة كمان.. وبعد ما رجعت مرت الأيام ولقيته بيكلمنى بيقولى أنا جاى مصر.. وأنا كان النعر والكذب قايلاله حاجات كتيرة جدا.. والمهم جريت على واحد سمسار وقلتله نقيلى أكبر قصر فى مصر علشان جايليى ضيوف فيه".
واستكملت فيفى عبده: "استملت القصر قبل الضيف ما يجى بساعة.. وطلعت على المطار علشان استقبل النجم الكبير اللى هيتفرج على مصر وحلاوة مصر.. وأنا راجعه معرفتش المكان فاضطريت إن أروح على السمسار أقوله امسك أى حاجة قدامى وأنا وراكع لشان أعرف المكان فين.. فدخل القصر ومفيهوش أى حيوية.. فقالى القصر كبيرة جدا ومش عاجبه.. وقلتله تيجي نروح لـMy Mother فقالى OK honey فقلتله يلا يا Sweet وخدته ورحت عند امى فى البيت وكان فى اخواتى ودخلت وعجبه البيت جدا اللى فى الزمالك وحس بدفئ فيه.. ده لأن الكذب ملهوش رجلين من الآخر".
Saturday Night Live بالعربى يقدمه خالد منصور، وشادى ألفونس، ويشارك به عدد من الوجوه الجديدة، وهو النسخة العربية من البرنامج الشهير Saturday Night Live الكوميدى الأمريكى، الذى أنشأه لورن مايكلز، وعرض البرنامج لأول مرة على شبكة إن بى سى يوم 11 أكتوبر 1975، تحت عنوانه الأصلى "nbc Saturday Night Live".