ظهر الإعلامى الساخر أكرم حسنى، فى حلقة برنامج "SNL بالعربى" مساء السبت، وروى موقفا مضحكا له أثناء حضوره مراسم عزاء أحد الأشخاص، وقال: "كنت رايح أعزى فى راجل جنبنا بناء على طلب بابا.. واتفاجئت إن لقيت واحد لابس ميكى ماوس خارج ووراه تويتى، فكلمت بابا قلتله هو عمى رجب اللى مات ولا عمى دهب؟".
واستكمل حسنى، خلال مشاركته فى حلقة اليوم من البرنامج المذاع عبر فضائية ON E: "قلت لبابا مين اللى مات علشان أنا لابس غلط.. لو كده أروح ألبس بات مان وأجى.. فشتمنى وقفل.. واكتشفت إن ده عيد ميلاد ودى حفلة تنكرية وإن العزا فى الدول الـ3.. فنزلت دور وقعدت فى الشقة اللى فيها العزا ومن حظى الهباب إن قعدت قدام باب الشقة.. فكان صوت القرآن شغال وأنا بترج من الضحك فى مكانى لأنى شايف القراصنة نازلين وبارنى وميكى ماوس وتوم وجيرى.. فواحد قال لى عيب يا أستاذ اللى انت بتعمله ده واحنا فى موقف حرج واتفضل اطلع بره".