مع انتهاء الجزء الثانى من مسلسل "حكايات بنات" تنتهى علاقة عاصم بأحلام، وبالتالى ينتهى دور الفنان كريم فهمى من المسلسل، ويرجع السبب وراء عدم مشاركة كريم فى الجزء الثالث من المسلسل هو انشغاله بتصوير فيلم "على بابا" وكتابة بعض السيناريوهات السينمائية.
ونشر كريم على صفحته الرسمية على إنستجرام هذه الكلمات ليودع جمهور حكايات بنات..
"مع آخر حلقه فى الجزء الثانى يكون انتهى دور عاصم وبالتالى انتهاء دورى فى مسلسل حكايات بنات اللى ربنا سبب فيه الأسباب وخلاه السبب ان الناس تعرفنى أو خلانى موجود على خريطه الممثلين، المسلسل ده انا بحبه جدا وهفضل شايله الجميل ده طول عمري، عاصم اكتر شخصيه حبتها من اللى مثلتهم يمكن عشان كان انطلاقه بس فعلا حبيته بهدوئه وقوته وحبه لأحلام، لما جينا نعمل الجزء الثانى كنت خايف معرفش أمسك الشخصية عشان كانت من خمس سنين بس مع اول شوت عفريت عاصم ركبني، شكرًا كل من شارك فى حكايات بنات على رأسهم المنتج طارق الجناينى وفريق الانتاج، الممثلين وطبعا صبا مبارك عشان ديه شريكة النجاح، باهر دويدار المؤلف، ومخرج الجزء الاول حسين شوكت ومخرج الجزء الثانى اللى برضوا عمل مجهود رهيب مصطفى ابو سيف، شكرًا لكل عامل اشتغل فى حكايات بنات، شكرًا ندى أكرم وربنا معاكوا فى الجزء الثالث كلكوا، واللى عايز اشكره بجد جمهور حكايات بنات اللى عنده ولاء وحب للمسلسل مشوفتوش قبل كده، إنتوا سبب نجاح المسلسل وسبب نجاح عاصم، شكرًا حكايات بنات".