احتفل المطرب محمد رشاد، بعيد ميلاد خطيبته المذيعة مى حلمى، بطريقة رومانسية من خلال مفاجأة أعدها لها، ونشر "رشاد" عبر صفحته بموقع تبادل الصور "إنستجرام" بعض الصور للاحتفال، وهما يتوسطان الزينة ويحملان "تورتة".
كما نشرت "مى" عبر صفحتها كواليس الحفل قائلة: "أقولكوا بقى عشان نتصور الصورة دى حصل إيه؟.. حاول يعمل أول مرة مفاجأة وفشلت بصوت اللمبى، عشان الناس اتذاكت كالعادة وبوظت له المفاجأة".
وأضافت حلمى، معلقة على صورة نشرتها لهما عبر حسابها الشخصى على "إنستجرام": "الكلام ده بقالوا يومين بيحاول يعمل عيد ميلاد على غفلة وتفشل.. النهارده اتصلوا بيا فى البيت عشان يجيبونى قالولى كلبتك بتموت.. طيران وعياط روحت على البيت ولقيت المفاجأة وهسبلكوا تتخيلوا الباقى لحد ماخدنا الصورة دى".
وتابعت "كل سنة وأنت اللى طيب وكل سنة وأنت غالى وعالى.. ماحدش بيستنى من الناس اللى بيحبهم حاجة.. ملحوظة: مالناش فى شغل الدباديب بس هو متعود يجبلى من كل بلد (تيدى بير) عشان أكمل المجموعة".