توجه الفنان كريم فهمى، بالشكر لفريق عمل فيلمه الجديد "على بابا"، الذى انتهى من تصويره، ومن المقرر عرضه قريبا فى دور السينما.
وقد نشر فهمى صورة لفريق العمل، معلقا عليها قائلا: "فركش على بابا آخر يوم تصوير، بجد تعبنا فى الفيلم ده جدا شكرا كل الناس شكرا فريق الإخراج العالمى المحترم اللى تعب جدا، شكرا لفريق الإنتاج رجاله بجد، شكرا لجميع الممثلين والنجوم اللى اتشرفت فى الشغل معاهم، شكرا لرجاله التصوير اللى اسعفونا كتير ووقفوا جنب الفيلم، شكرا للديكور اللى هو من أهم عوامل الفيلم، شكرا للملابس والستايلست، شكرا لكل واحد تعب فى الفيلم ده من أصغر واحد سنا لأكبرهم. يا رب وفقنا على بابا قريبا فى السنيما".
ويجسد كريم فهمى بفيلم "على بابا" دورا مختلفا وهو شخص انتهازى يسعى لتحقيق مصلحته الخاصة على حساب الآخرين.
فيلم "على بابا" من بطولة آيتن عامر، أحمد فتحى، محمد ثروت، صبرى فواز، فراس سعيد، ودارين حداد، إخراج وليد الحلفاوى، تأليف كريم فهمى، وإنتاج أحمد السبكى، وتدور أحداثه فى إطار تشويقى كوميدى كعادة أفلام كريم فهمى.