وجه نجم الجيل تامر حسنى رسالة لوالدته عبر موقع "عين"، وقال: "بحمد ربنا عشان اتولدت لقيت العظيمة دى أمى.. بشكر أبويا حبيب قلبى سبب وجودى فى الدنيا على اختياره العظيم لهذه الزوجة كى تكون أمى.. يا أمى أنتى السبب فى كل يوم حلو عشته وكل نجاح وصلتله وأى يوم ماسمعتش فيه كلامك كان أتعس يوم فى عمرى.. يا أمى ياحبيبتى يا بنتى يا أختى يا صديقتى يا كل المعانى الطاهرة يا رفيقتى الأولى رحلة كفاحى مهما كبرت هيفضل رضاكى عنى سبب فرحى وهتفضل دعواتك ليا سبب سندى وطول ماليا عمر هفضل عايش طول حياتى ولحد ما أموت زى ما أنا تحت رجلك يا عظيمة.. ابنك تامر".
ومن ناحية أخرى، ينافس تامر حسنى فى موسم عيد الفطر المقبل، بفيلم جديد يواصل تصويره بعنوان "البدلة" كتب قصته، سيناريو وحوار أيمن بهجت قمر، ويدور فى إطار اجتماعى كوميدى، ويشارك فى بطولته كل من أكرم حسنى، وأمينة خليل، وحسن حسنى، والنجمة دلال عبد العزيز، ومحمود البزاوى، ومحمد ثروت، وطاهر أبو ليلة.