"عشان كده.. صوتى للرئيس عبد الفتاح السيسى" هذا ما بدأ به نجوم الفن فى مصر حديثهم عن السيد الرئيس عبد الفتاح السيسى، فى حملة منهم لدعم الرئيس، والتصويت له فى الانتخابات الرئاسية التى ستبدأ فى مصر من يوم 26 و27 و28 مارس الجارى.
وقد ظهر عدد كبير من النجوم فى الفيديوهات التى تدعم الرئيس ليتولى الحكم فى فترة رئاسية جديدة، وتحدثوا من خلال هذه الفيديوهات عما قام به من إنجازات خلال فترة توليه رئاسة الجمهورية بالأربع سنوات الماضية، فى جميع المجالات، بداية من دور مصر فى الخارج والقضايا المهمة والاقتصاد والأمن والأمان بمصر، وأيضا فى محاربته الإرهاب الذى يهدد أمن وسلامة الشعب المصرى، والمشاريع الاقتصادية التى قام بها وتسليح الجيش المصرى ليكون من أهم 10 جيوش على وجه الأرض ومشاريع التنمية الحيوانية والدواجن والأسماك وتقليل حجم التضخم وكثير من الأمور التى أنجزها الرئيس عبد الفتاح السيسى خلال الأربع سنوات الماضية كانت تحتاج عشرات السنين لتنتهى، وخوفا منهم على مصر من أى حرب تتعرض لها من الداخل والخارج حث هؤلاء الفنانين الشعب المصرى على المشاركة فى الانتخابات الرئاسية 2018 ليكمل الرئيس ما قام به من إنجازات وأحلام للشباب المصرى خلال فترة رئاسية ثانية.
ومن النجوم الذين شاركوا فى هذه الحملة الفنان ماجد المصرى وياسر جلال وعبير صبرى وإيهاب فهمى ولطفى لبيب وعايدة رياض ومحمد عز ونادية رشاد ووفاء عامر ومحمد رياض وأحمد عبد العزيز ومحمد محود عبد العزيز ورامى وحيد وكارولين عزمى والمنتج ريمون مقار والمهندس جون طلعت عضو مجلس النواب.
وقد تحدث الفنان محمد رياض من خلال الفيديو قائلا: فى آخر أربع سنين كل يوم كان بيعدي علينا كنا بنتفاجئ بافتتاح تلت مشروعات جديدة تخيل تلت مشروعات جديدة كل يوم يعنى خلال أربع سنين عملنا 11000 ألف مشروع بتكلفة 2 تريليون جينة كل ده عشان بلدنا تبقى أحسن عشان كده أنا هنزل وأدعم السيد الرئيس عبد الفتاح السيسى لفترة رئاسية تانية.. من فضلك أنزل وشارك.
وتحدثت الفنانة وفاء عامر عن ترشيحها للرئيس قائلة: علشان نقدر نتقدم والخير يرجع تانى لازم نزرع أكلنا، وده اللى حصل بزراعة مليون فدان غير المليون ونص السابقين ما هو اللى يزرع أكله محدش يقدر يتحكم فيه عشان كده أنا نزله أدعم الرئيس عبد الفتاح السيسى لفترة رئاسية تانية.. انزل شارك.
وتحدث الفنان إيهاب فهمى عن ترشيحه للرئيس لفترة ثانية قائلا: من 2014 زاد حجم الاستثمارات للمشروعات التنموية نحو 400 مليار جنيه، وزادت الاستثمارات الأجنبية بنسبة 14% وده إنجاز كبير حيفرق فى الاقتصاد المصرى بشكل كبير وعشان كده أنا نازل أدعم الرئيس عبد الفتاح السيسى لفترة رئاسية تانية.. انزل وشارك.
بينما تحدث المهندس جون طلعت عضو مجلس النواب عن الرئيس قائلا: فى أربع سنين عملنا طفرة كبيرة قوى فى قطاع الاتصالات متتعملش فى سنين كتير عملنا شبكة محمول مصرية وكمان عملنا شبكات الجيل الرابع وكلها شغالة النهارده، ومش بس كده عملنا موبيل مصرى بقى موجود فى إيدينا كل ده فى أربع سنين بخلاف أربع مدن تكنولوجية فى كل محافظات مصر علشان كده أنا هنزل أدعم الرئيس عبد الفتاح السيسى لفترة رئاسية تانية.. انزل وشارك.
وتحدث النجم ياسر جلال عن دعمه للرئيس قائلا: فى سنة 2014 كان ترتيب الجيش المصرى 14 على العالم، وفى أقل من أربع سنين بقى جيشنا المصرى العظيم من أقوى 10 جيوش على وجه الأرض علشان كده أنا نازل علشان أدعم الرئيس عبد الفتاح السيسى لفترة رئاسية تانية.. انزل وشارك.
وتحدث المنتج ريمون مقار عن دعم للرئيس فى الانتخابات قائلا: لما تكون دولة خارجة من ثورتين وعندها مشاكل كتير وفى أقل من أربع سنين تقدر تعمل مدن صناعية ضخمة جدا مدن فى تصنيع الدوا والرخام والأثاث والجلود وكمان مدن تكنولوجية كبيرة وضخمة وتطور كبير جدا فى المجال الفنى والثقافى يبقى ده أكيد إنجاز كبير لازم نقف عنده وعشان كده أنا نازل أدعم الرئيس عبد الفتاح السيسى لفترة رئاسية تانية.. انزل وشارك.
وتحدث الفنان والمنتج محمد محمود عبد العزيز عن دعمه للرئيس قائلا: لما يكون الارهاب بيحاربك من كل حته وبيحاول يحاصرك وأنت تقدر تقول لا وتقضى على الإرهاب فى كل مكان وبكل قوة يبقى القرار صح، وكلنا ثقة فى قرار العملية الشاملة سيناء 2018 وعشان كده أنا نازل أدعم الرئيس عبد الفتاح السيسى فى فترة رئاسية تانية.. انزل وشارك.
وتحدثت الفنانة عبير صبرى عن دعمها للرئيس قائلة: لما مصر تبقى الأولى عالميا فى انتشار فيروس C وقدرنا أن إحنا نعالج 5 مليون مواطن وأخدنا قرار أن فى 2020 هينتهى المرض ده نهائيا يبقى أكيد فى ناس ما بتنامش عشان تحقق الحلم والإنجاز الكبير ده وعشان كده أنا هدعم الرئيس عبد الفتاح السيسى لفترة رئاسية تانية.. انزل وشارك.
وتحث الفنان رامى وحيد عن دعمه للرئيس قائلا: التغيير حاجة مش سهلة بس عشان كان فى اتجاه اننا نقدر نتغير بجد عشان كده شوفنا مشاريع بتحصل أدام عينينا مشروعات الاستزارع السمكى فى شمال الدلتا وشرق القناة ومشروعات كبيرة وعظيمة فى الانتاج الحيوانى وإنتاج الدجاج وشوفنا زيادة فى نسبة الأبحاث العلمية فى مصر تعدت 232% وده إنجاز عظيم وتغير بجد علشان كده أنا نازل أدعم الرئيس عبد الفتاح السيسى لفترة رئاسية تانية.. انزل وشارك.
وتحدث الفنان أحمد عبد العزيز عن دعمه للرئيس قائلا: من أربع سنين نزلنا كلنا وتوجهنا إلى صناديق انتخابات رئاسة الجمهورية واخترنا كلنا الرئيس عبد الفتاح السيسى رئيسا لمصر، وفى الأربع سنين دول حصل إنجازات كتيرة جدا أنا مش هتكلم عنها كلها أنا هذكر إنجاز واحد فقط، وهى أن معدل التضخم اللى كان 25% نزل إلى 13% عارفين ده معناه أيه معناه أقتصاد أقوى وفرصة أكبر للنهوض والتنمية؛ ولأن المتربصين بمصر كتير، سواء من بره مصر أو حتى من جوه مصر فكلنا لازم ننزل ونشارك فى الانتخابات وعشان كده أنا نازل أدعم الرئيس عبد الفتاح السيسى لفترة رئاسة تانية.. انزل وشارك.
وقالت الفنانة نادية رشاد عند دعمها للرئيس: أهم مشكلة بتقابل أى اقتصاد فى العالم أنه يكون بيستورد حاجات كتير ويصدر حاجات قليلة، وده اللى ابتدى يتغير فى مصر يعنى الحمد لله قللنا الواردات لـ16 مليار دولار وزودنا الصادرات إلى 4 مليار دولار، يعنى هيبقى فى اقتصاد بجد وعشان كده أنا نازلة أدعم الرئيس عبد الفتاح السيسى لفترة رئاسية تانية.. انزل وشارك.
وقال الفنان محمد عز عن دعمه للرئيس قائلا: الشباب أهم فى مجتمع عايز يعمل إنجاز ويحقق المستحيل عشان كده تم عمل مشروع قروض الشباب بفائدة 5% وتم رصد 200 مليار جنيه عشان الشباب يقدر يشتغل وينتج بجد وعشان كده أنا نازل أدعم الرئيس عبد الفتاح السيسى لفترة رئاسية تانية.. انزل وشارك.
وتحدث الفنان ماجد المصرى عن دعمه للرئيس قائلا: فى بداية 2014 كان الاحتياطى النقدى فى مصر 16 مليار دولار دلوقتى الاحتياطى النقدى لمصر وصل 42 مليار دولار وده معناه أن إحنا ماشيين على الطريق الصح، وعشان كده أنا بدعم الرئيس عبد الفتاح السيسى لفترة رئاسية تانية.. انزل وشارك.
وقالت الممثلة الشابة كارولين عزمى عن دعمها للرئيس: قبل 2014 كان دور الشباب مهمش لكن دلوقتى عندنا برنامج رئاسي لاعداد القادة عشان يكون التركيز على الشباب عشان يكون بكره فى إنجازات بدم جديد عشان كده أنا نازلة أدعم الرئيس عبد الفتاح السيسى لفترة رئاسية تانية.. انزل وشارك.
وقالت الفنانة عايدة رياض عن دعمها للرئيس: فى أربع سنين زادة الاستثمارات فى الغاز الطبيعى 130% باستثمارات بـ 12.6 مليار دولار عشان نقدر نتتج 5 مليون قدم مربع فى اليوم الواحد وده يعتبر إنجاز كبير فى استثمارات الغاز الطبيعى وتم اكتشاف 8 أضعاف اللى كان قبل 2014 يعنى هننتج دلوقتى 36.8 تريليون قدم مربع، وعشان كده أنا نازلة أدعم الرئيس عبد الفتاح السيسى لفترة رئاسية تانية.. انزل وشارك.