أعربت الفنانة هيدى كرم عن سعادتها البالغة بالنجاح، الذى حققه فيلم "على بابا" الذى شاركت من خلاله كضيفة شرف.
ونشرت كرم عبر حسابها الشخصى إنستجرام، صورة لها برفقة بطل العمل الفنان كريم فهمى معلقة عليها قائلة: "سعيدة جدا جدا بنجاح فيلم "على بابا" وسعيدة لمشاركتى فيه كضيفة شرف. فيلم رائع مكتوب بمنتهى الجمال والكوميديا فيه تجنن وأبطاله زادوه روعه من جمال أدائهم، وتحياتى لكريم فهمى مش بس لأنه ممثل شاطر كمان كاتب متميز ومختلف ومبتكر.. لما تشوفه برزانته وهدوئه لا يمكن تتخيل أنه ممكن يكتب كوميديا مسخره بالشكل ده أما بقا وليد الحلفاوى مع أن ده أول فيلم من إخراجه ولكن حسّيت أنى بتعامل مع حد واثق من نفسه وعارف كويس أوى هو عايز إيه فى كل مشهد مذاكر وفاهم ومتمكن.. مبروك يا أصدقائى ومن نجاح لنجاح ومبروك لكل العاملين فى الفيلم من ممثلين رائعين ومدير تصوير متميز جدا وكرو إخراج وإضاءة وإنتاج ومبروك لشركة الانتاج أحمد السبكى على النجاح الرائع".
