عبر الفنان شريف رمزى، عن حزنه الشديد لرحيل صديقه الفنان ماهر عصام فى الساعات الأولى من صباح اليوم الأحد، داخل أحد مستشفيات السادس من أكتوبر بعد صراع مع المرض عن عمر ناهز 38 عامًا
وكتب شريف رمزى، عبر حسابه على موقع التواصل الاجتماعى " فيس بوك"، قائلا: "الوسط الفنى كله النهاردة حزين ومصدوم ومتأثر بوفاة الطيب المحترم الموهوب الخلوق ماهر عصام رغم أننا اتعودنا بقالنا فترة على فراق ناس كتير".
وأضاف، "أعتقد أن سبب من أسباب الحزن ده أن ماهر مات من غير ما ياخد حقه اللى يستحقه واللى يليق بموهبته وبأخلاقه وبإنسانيته واحترامه وحبه للناس وللخير وللحياة وبالأخص لمهنته وأكيد ربنا له حكمه فى كده".
وتابع، شريف رمزى، " وأتمنى أن وفاة ماهر تصحى ناس كتير وتخلينا كلنا نتعظ ونراجع نفسنا ونقدر وندور ونبذل مجهود مع المواهب والناس اللى لسه موجودة وعايشة حوالينا ومحدش حاسس بيها ولا فاكرها ولا واخده حقها، لأن أوحش حاجة فى الدنيا أن موهبة تموت قبل ما تظهر أو تكتمل وداعا يا ماهر مش حتتعوض ومش حننساك".
شريف رمزى
