أعلن نجم الجيل تامر حسنى، عن تفاصيل البومه الجديد عبر صفحته على موقع التواصل الاجتماعى "فيس بوك".
وكتب "حسنى"، فى منشور له، قائلا: "نهاركم جميل إن شاء الله، سألتوا كتير عن ألبومى الجديد وقولتلكم أن غيابى ده عشان أعمل أفكار جديدة تليق بجمهور عظيم زيكم وتليق بمشوارى وبمكانتى كمطرب مصرى عربى، الألبوم ده أخد مجهود كبير من سنتين لحد النهاردة وأنا كل يوم بشتغل على تطويره وإصداره بشكل مش تقليدى وخارج الصندوق المعتاد الألبوم ده أنا بعتبره محطة جديدة ليا فى حياتى من حيث الفكر والموسيقى والجودة".
وأضاف، "وأنتوا أكيد هتلاحظوا ده الفترة الجاية المهم الحمدلله بدأ خلاص العد التنازلى لإصدار الألبوم وكل يوم هيكون فى جديد بتعرفوه لحد ما يطلع للنور إن شاء الله.. ألبومى القادم اسمه (عيش بشوقك) كلمات: مصطفى حسن الحان: بلال سرور توزيع: بلال سرور وهانى محروس هى أغنية مبهجة غير تقليدية تمامًا وفيها حالة يمكن بتمس معظمنا الأغنية من إخراج المخرج الكبير هادى الباجورى".
واختتم تامر حسنى منشوره، قائلا: "وبكرا إن شاء الله هينزل أول ميكينج اوف لأغنية تانية من ألبومى اسمها (وأنت معايا ) اللى بتجمعنى بأستاذى النجم الجزائرى الكبير الشاب خالد وهتشوفوا كواليس الأغنية وكل مراحلها الكليب للمخرج اللبنانى الكبير سعيد الماروق".
