نشر نجم مسرح مصر، عبر موقع تبادل الصور "انستجرام"، صورة تجمعه بزوجته إسراء عبد الفتاح نجمة مسرح مصر، وعلق عليها قائلا: "ربنا يخليكي ليا ياحياتي ودنيتي وفرحتي ربنا يقدرني وأسعدك.. شكرا لكل أهلنا وصحابنا وحبايبنا وجمهورنا اللي شاركونا فرحتنا وفرحولنا من قلبهم.. واللي غيران مننا يعمل زينا".
جاء ذلك بعدما نشرت إسراء، صورة لهما من عقد قرانهما، وعلقت عليها قائلا: "أهم ورقة مضيتها فى حياتي، عمرى ما حبيت غيرك، أحلى وأهم يوم فى حياتى يوم ما بقيت مراتك، أهم وأحلى وأغلى لقب فى حياتى "مدام حمدى الميرغنى"، لكل الناس اللى بتقول إنى كنت متضايقة ومكنتش مبسوطة، أقسم بالله أنا عمرى ماكنت مبسوطة ولا فرحانة ولا بضحك من قلبى غير فى يوم كتب كتابى، لكل الناس اللى أنا مش فاهمة هما متضايقين ليه، ربنا يرزقكوا بحد يعملكوا أضعاف اللى اتعملى ويفرحكوا أضعاف فرحتى، والناس اللى بتقول إنى كنت مجبرة على الجواز، ده الراجل اللى اخترته بكامل إرادتى اللى قلبى وعينى مبيشوفوش حد غيره، ربنا يخليك ليا يا حمدى ويبعد عننا الناس اللى مش فرحانة بفرحتنا".