احتفل عدد من النجوم بعيد الأضحى المبارك، بذبح الأضحية، منهم من اكتفى بمشاهدة الذبيح، وآخرون ذبحوا الأضحية بأنفسهم
إيساف
نشر إيساف صورة احتفاله بالأضحية على "إنستجرام" وعلق: "صاحب عمرى وإحنا بندبح سوا أضحية العيد فى منطقتنا الغالية حدايق القبة وكل سنة وأنتم طيبين".
جنات
هنأت جنات جمهورها بعيد الأضحى بنشر صورة أثناء احتفالها بذبح الأضحية وعلقت على الصور: "الخروف الأبيض.. كل عام وأنتم بخير عيد أضحى سعيد".
مصطفى خاطر
احتفل الفنان مصطفى خاطر، بعيد الأضحى المبارك، وشارك بنفسه فى ذبح الأضحية، وعلق ساخرًا: "قتلته بصوت بوحة".
ونال الفيديو الذى نشره خاطر على إنستجرام تعليقات سلبية، ورد خاطر قائلاً: للتعليقات الغريبة أنا دبحت بإيدى الشمال، المفاجأة إن أشول واللى منهار ومش مصدق إن ده بيحصل فأحب أقولك ده حلال ربنا" مستشهدًا بالآية الكريمة (فصلى لربك وانحر).
وأضاف خاطر: "اللى بيقول فيه أطفال بتتفرج أنا طول عمرى وأنا طفل كنت بتفرج وبحب أتفرج على الدبايح وكبرت أهو وأنا بنى آدم عادى مش متوحش ومش قتال قتلة، وإنسان طبيعى واللى بيقول الدبح الشرعى إنى اسحب السكينة سحبة واحدة أحب أقولك ده عجل بقرى مش جدى يعنى جلده سميك جدًا، ولازم أقطع الزور والودجان اللى هم عرقين اليمين والشمال، وكل اللى بيتكلم ده عمره ما دبح ولا شاف دبيحة تقريبًا، وكل سنة وأنتم طيبين وعيد أضحى سعيد عليكم".
مى كساب
مى كساب نشرت صورة مع أضحية العيد بعد ذبحها فى مسقط رأسها ببسيون الغربية، وعلقت على الصورة: "عيدكم مبارك وربنا ما يقطعلنا عادة أبدا جميعا ويقدرنا على فعل الخير ويبعدنا عن الشر أمين يارب العالمين".