يستضيف الإعلامى أحمد فايق المهندسة حسناء حسنى كبير مهندسى مراقبة الجودة فى شركة أيتون لتصنيع الطائرات، وذلك فى برنامجه" مصر تستطيع " المقرر إذاعته يوم الخميس المقبل.
أحمد فايق كتب عبر حسابه بفيس بوك: حسناء حسنى عندها ٣٨ سنة يعني جيل كابتن ماجد وسلاحف النينجا وبوجي وطمطم زي حالاتنا هتشوفوها في برنامج مصر تستطيع يوم الخميس الجاي الساعة ٦ مساء علي قناة النهار، الباش مهندسة الاسكندرانية العظيمة هي كبير مهندسي مراقبة الجودة في شركة ايتون لتصنيع الطائرات، شركة ايتون اللي بتعمل اجزاء من المحركات النفاثة ل بوينح وايرباص، وكمان اف ١٦ يعني الست دي هي اللي بتمضي علي المنتج وبتقول يصلح او لا يصلح جابوها بعد ماسمعتها انتشرت في اميركا اصلها كانت كبير المهندسين في مصنع فولفو لتصنيع السيارات الثقيلة
يعني احنا بننبهر قوي لما نشوف واحدة ست بتسوق عربية نقل اومال بقي لما نعرف ان في واحدة ست ومصرية من الاسكندرية ،هي بقي اللي بتصنع العربية النقل أصلا عندها ٣٨ سنة وتخرجت من هندسة الاسكندرية وكملت في الاكاديمية العربية للعلوم وللتكنولوجيا وبعدين في اميركا كملت تعليمها يعني جت من مصر متعلمة كويس عشان اصور معاها اخدنا وقت كبير جدا ،ناخد تصاريح ادارة المصنع بتاع ايتون بيعتبروه منطقة عسكرية عشان كده اخدنا اللقاء كاملا قدام المصنع وكويس انهم سمحوا لينا بكده جوه المصنع هتلاقي نماذج لمحركات طائرات لسة مدخلتش الخدمة في الجيش الاميركي نفسه .