كشف مينا مجدى شاعر غنائى جديد، عن مفاجأة كانت تعد لها الفنانة الشابة الراحلة غنوة لشقيقتها النجمة أنغام، قبل وفاتها بأيام، وذلك لتصالحها وتذيل أى أسباب للخلاف بينهما.
وأكد مجدى أنه تلقى مكالمة من غنوة وطلبت منه كتابة أغنية خصيصا لها، وتقول كلماتها: "وحشانى يا أختى جدا.. وحشتنى الذكريات.. مهما الأيام خدتنا.. عمرى ما انسى اللى فات.. فى بيننا حاجات كتيرة.. وانتى يا أختى الكبيره.. عندى ست البنات".
وكتب مجدى عبر حسابه بموقع "فيس بوك": "الكلمات دى جزء من أغنيه كتبتها مخصوص بناء على طلب شخصى من صديقتى الراحلة غنوه محمد على سليمان كتبتها علشان تغنيها وتعملها مفاجأة لأختها الفنانة أنغام بعد مكالمة طويلة كانت ما بينى وبينها".
وتابع: "مكالمة كانت مليانة دموع وحنين لذكرياتها القديمه مع أختها كل الناس كانوا عارفين أن انغام وغنوه بقالهم فترة كبيرة قاطعين علاقتهم مع بعض.. وبدون دخول فى أى تفاصيل كان بقالهم سنين لا بيتكلموا ولا بيتقابلوا وده كان مسبب جرح كبير فى قلب غنوة".
أنغام
بوست مينا مجدى