حققت أغنية المطربة أمال ماهر الجديدة، "بداية بدايتك"، التى طرحتها خلال الـ24 ساعة الماضية، ما يقرب 135 ألف مشاهدة، وذلك عبر موقع يوتيوب، والأغنية من كلمات نادر عبد الله، وألحان ياسر ماجد، ومن توزيع وميكس طارق مدكور.
وتقول كلمات الأغنية:
أنا بداية بدايتك.. أنا بقية حكايتك
أنا العمر اللى جايلك.. وأنا العمر اللى فايتك
مين يجى ياخد مكانى.. وانت لمين غير عشاني
دا أنا كتير من حنانى.. سبتك تاخد كفايتك
أنا حب سنين كتيرة.. يا حبيبى وانت عارف
أنا الأولى والأخيرة.. مش معرفة م المعارف
أنا اللى جوايا ليك بدل الشوق الف شوق
وأنا الطيبة اللى مش هتلاقى من بعديها طيبة
ولوحدى أنا اللى ليا فيك كل الحقوق
ما أنا شريكة حياتك والصاحبة وكمان الحبيبة
أنا وبس الوحيدة.. والمعلومة الأكيدة
أنا القصص القديمة.. وأنا القصص الجديدة
أنا كلامك سكاتك..أنا حروف اغنياتك
ومن يومى فى حياتك.. أنا الجملة المفيدة
وكانت النجمة آمال ماهر قد أعلنت عن طرح ألبومها الجديد خلال الأيام القليلة المقبلة، وهو الألبوم الذى يحمل اسم "أصل الإحساس"، لتبدأ فى تشويق جمهورها بأولى أغانى الألبوم، والتى تحمل عنوان "بداية بدايتك".
