هنأت الفنانة نسرين أمين زميلتها روبى على نجاح مسلسل "أهو دا اللى صار" الذى يتم عرضه خلال الفترة الحالية عبر شاشة قناة ON E .
وأجابت نسرين أمين على أحد متابعى "تويتر" الذى تساءل: "ليه حد بحجم موهبة روبى فى التمثيل مش واخدة حقها عندنا"، وقالت نسرين: "مفيش عدالة فى توزيع الفرص.. مش فى المجال الفنى بس فى كل المجالات.. دى حاجة قديمة موجودة من زمان بس دلوقتى سائدة".
وأضافت نسرين: "عشان كدة لما بتيجى فرصة كويسة للفنان المناسب بيلمع نجمه ويلفت الانتباه.. عكس الأدوار المتفصلة على لتنجيم فلان وعلانة عمرها ما علّمت ولا حد افتكرها.. برافو روبى".
يشار إلى أن مسلسل "أهو ده اللي صار" من تأليف السيناريست عبد الرحيم كمال وإخراج حاتم علي، وبطولة روبي، محمد فراج، أحمد داود، سوسن بدر،وهبة عبد الغني ، هشام إسماعيل، أروى جودة، ألفت عمر.