قامت ديانا حداد بمهاجمة منتقديها عبر حسابها الرسمي بموقع التدوينات القصيرة "تويتر"، مستعينة بالمثل المصري "إللي اختشوا ماتوا"، وكتبت ديانا في تغريداتها: حبيت أحكي عن موضوع النقد اليوم واللي بينتقدوا عالطالع والنازل، على فكرة وللتنويه والتذكير إنه في كتير فوائد للنقد من الشخص المنتقد خليني ذكركم بأهمها وبالمختصر المفيد ١- دعاية ببلاش ٢- بيعطوا قيمة للي يُنتقد وبقللوا من قيمتهم وهاي شغلة مهمة ٣- حسنات ببلاش على طبق من ألماس".
وأضافت: "بس المشكلة وين ؟ انه إذا اجاك اللي بينتقد شكلك او لبسك وهو بكون صارله ١٠ سنين بنفس قصة الشعر ونفس البنطلون طيب كيف إلك عين تحكي أصلاً ؟ فعلاً شر البلية ما يضحك وفِي مثل مصري بيعجبني كتير اللي هو (( اللي اختشوا ماتوا )) وشبعوا موت، قصدي قهر، وفِي مثل تاني بقول موتوا بحسرتكم".
وتابعت: "وطبعاً حبيت كتير فكرة تكون قاعد ببيتك وعم تحضر مباراة وفِي ناس نازلة حش فيك وفوق انك مبسوط بالفوز كمان في نقاط عم تنزاد على رصيدك من نقاطهم، بلا طول سيرة وبلا ما ضيع وقتي الغالي مع ناس مريضة !! خليني مع الناس الراقية اللي بحبهم إنتوا يا غاليين".
