بعث النجم تامر حسنى، برسالة إلى جمهوره، موجها هذه الرسالة إلى الأم والأب، وذلك لعدة أسباب، أوضحها فى رسالته.
وقال تامر حسنى، "كل سنة وكل أم طيبة وربنا يرحم كل أم مش معانا.. كلامى النهارده هيكون خاص بالأم والأب لسبب هقوله فى الآخر.. من يوم ما طلعت وأنا بوصيكوا دايماً برضى الوالدين وهفضل أوصيكم لحد آخر يوم فى عمرى عارفين ليه؟ عشان من خلال تجربتى والناس اللى حاولت تأذينى ظلم فى حياتى وصرفوا فلوس كتير عشان يكتبوا عنى كلام غلط مش فيا النهاردة مش موجودين لا هما ولا اللى صدقوهم.. وده بفضل سند دعوات أمى وأبويا أيوا اجتهدت وتعبت بس اللى راضى أمه وابوه هيفهم قصدى".
وتابع تامر حسنى: "كل سنة وانتى طيبه يا أمى يا عظيمة ياللى عمرى من خيرك وشكراً يا أبويا يا عظيم على حاجتين، الأولى عشان مجهودك معايا طول حياتى حتى لو كنت أحياناً بعيد غصب عنك.. والتانية عشان اخترتلى إن الست العظيمة دى تبقى أمى".
وختم تامر حسنى رسالته قائلا: "بطلب من ربنا كل يوم وبدعى يارب ولادى يحبونى أنا ومامتهم زى حبى لأبويا وأمى.. كل سنة وإنتى طيبه يا ماما بسمة وربنا يحفظك ويخليكى ليا ويقدرنى وأسعدكم طول عمرى".