وجهت الفنانة نهال عنبر الشكر لكل من حضر وساندها وقام بترشيحها لعضوية مجلس نقابة المهن التمثيلية، وبتمنى اكون عند حسن ظنهم جميعها.
وقالت نهال فى تصريح خاص لـ "عين" عقب فوزها، النهاردة كان يوم حلو جدا وحسيت اننا كنا عيلة واحدة وبنضحك وبنهزر سوا ومتحس بنفسنة بين المرشحين وبعضها، حتى الخسران بيكلمنى وسعيد انى فزت ومبروك لكل الناس اللى نجحوا وحظ أوفر للى خسروا وان شاء الله يعوضوها المرة الجاية.
وأضافت، ان شاء الله هبدأ فى قراءة ملف الصحة والعلاج، وأدرس القوانين الخاصة بالملف وان شاء الله ربنا يقدرنى وأقدر أوفر كل السبل فى توفير الأدوية والعلاج والمستشفيات ، بالإضافة إلى مساعدة زملاء فى شتى المجالات ولكنى سأركز فى الوقت الحالى على ملف الصحة والعلاج.
وكانت اللجنة القانونية المشرفة على انتخابات التجديد النصفى لنقابة المهن التمثيلية، أعلنت مساء اليوم، عن فوز الدكتور أشرف زكى بمقعد النقيب بالتزكية لعدم وجود مرشح آخر أمامه وفاز بعضوية مجلس النقابة ايهاب فهمي ٦٠٠ صوت واشرف طلبه حسن ٥٣٦ صوت وسامي مغاوري ٥١٥ صوت وعفاف رشاد ٤٦٠ صوت ونهال عنبر ٤٠٣ صوت ومصطفى حجاج ٣٩٥ صوت .
