نجوم الفن يحتفلاون بعيد ميلاد على ربيع.. وأحمد فهمى يهديه "زرافة"

احتفل الفنان على ربيع، بعيد ميلاده وسط أصدقائه وزملائه فى مسرح مصر، منهم مصطفى خاطر وأوس أوس ومحمد عبد الرحمن ومحمد أنور وغيرهم.

 

وعلق ربيع، على الصورة، قائلا: "حبايب قلبى شكرا وأنتو طيبين، بس التورتة صغيرة شوية، هنرجعها ونجيب واحدة أكبر".

 

وكان عدد من الفنانين هنئوا ربيع بمناسبة عيد ميلاده، منهم أحمد فهمى، الذى نشر مازحا صورة له مع مجسم زرافة، قائلا: "كل سنة وأنت طيب يا علوة وكل سنة مكسر الدنيا"، ليرد عليه ربيع، قائلا: "وانت طيب يا فهمى، بس ليه باصص لنفسك فى المرايا".

 

هنأه محمد أنور، قائلا: "كل سنة وانت طيب يا على يا حبيب قلبى، إن شاء الله مسلسلك السنة دى يكسر الدنيا ويبقى فاتحة خير عليك إن شاء الله"، فيما قال كريم عفيفى: "كل سنة وانت طيب، كل سنة وانت صاحبى، يارب دايما مع بعض وربنا يكرمنا السنة دى فى المسلسل إن شاء الله"، وقال محمد توب: "كل سنة وانت طيب وجدع أوى يا صحبى".

 

كما هنأه محمد عبد الرحمن، قائلا: "كل سنه وانت طيب يا ريعو يا صاحبى وعقبال مليون سنه، دايما مكسر الدنيا انت واحنا وكل الناس يارب"، وقال أوس أوس: "عاد على ربيع فغنى الطير مبتهجا، فى الروض يشدو بأنغام وألحان، الأرض خضراء والاشجار مائلة والورد مبتسم فى كل بستان، كل سنة وانت طيب يا ربيع وعقبال مليون سنة يا أخويا.. ملحوظة هذه الأبيات ليست مسروقة من جوجل"، ليرد عليه ربيع: "ماهى اللى جيبالك المرزية ومرجاعك بضهرك ليا، عشان تكتب الأشعار الحلوة ديه، ملحوظة مسروقة، وأنت طيب يا أوس أوس".