حرصت الفنانة ريم البارودى، على تهنئه صديقتها النجمة مى عز الدين على مسلسلها الجديد "البرنسيسة بيسة"، التى ستخوض به مى السباق الرمضانى المقبل، كما وجهت رسالة لأبطال العمل.
وكتبت ريم البارودى، قائلة: "مش غريبة ولا جديد على النجمة مى عز الدين التغير والتنوع لأن على مدار مشوارها الفنى سواء فى السينما أو الدراما لازم هتلاقيها تدور على الأصعب وده بيرجع لاحترامها لفنها ولجمهورها الكبير".
وتابعت، "أول ما شفت صورة الحاجة سكسكة بقى عندى فضول كبير اشوف حلقات المسلسل اللى متأكدة إن هيبقى فى أكتر من شكل وأكتر من شخصية وهو ده العادى والطبيعى من البرنسيسة، مضيفه: " البرنسيسة بيسة هتابعه فى رمضان وانتم كمان لازم تشوفوه بالتوفيق ليكى يا ميكا إنتى وكل الأبطال أمام وخلف الكاميرا ألف مليون مبروك حبيبتى".
من جانبها ردت مى عز الدين، على تهنئه ريم البارودى قائلة: "ربنا يخليكى ليا يا أعز أصحابى ادعيلى وبجد مش ناقصنى إلا وجودك جنبى كالعادة وحشتينى ومستنيه مكالمتك بعد ما تتفرجى".
"البرنسيسة بيسة" بطولة مى عز الدين فى ثانى تعاون درامى مع شركة سينرجى، ويشارك فى بطولته كل من الفنانة بوسى، ونجم مسرح مصر محمد أنور، وسامى مغاورى، وأمير المصرى، حجاج عبد العظيم، وآخرين، من إخراج أكرم فريد، حيث يعد هذا التعاون الأول لـ"مى" معه فى الدراما التليفزيونية، وسبق وتعاون الثنائى فى 3 أفلام دفعة واحدة، هى "فرح"، "أيظن"، والجزء الأول من "عمر وسلمى".
رد مى عز الدين على ريم البارودى