فور إعلان الاعلامى شريف مدكور إصابته بورم فى القولون، لقى الخبر صدمة كبيرة على السوشيال ميديا، حيث حرض مجموعة كبيرة من نجوم المجتمع على توجيه رسائل الدعم إليه، ودعوات بالشفاء على السوشيال ميديا.
كتبت الإعلامية ريهام سعيد، قائلة :" بحبك و بحترمك و شده و تزول هو مرض خبيث و السرطان حاجه سخيفه بس عبيطه روحك الطيبه هاتفضي عليه كلنا معاك ووراك".
وقال الفنان محمود البزاوى:" شريف مدكور بالنسبالي وجه التفائل و السعاده حد اللي في قلبه على لسانه كده..كنت بتفرج على برامجه اللي دايما بيقدم من خلالها محتوى لطيف ولذيذ و عمره ما استخدمها للرد على الناس اللي بتعترض على شخصه..ربنا يشفيك يا شريف يا جميل و ترجع لينا بكل صحه وسعاده زي ما عودتنا دايما شريف_مدكور".
وغرد النجم أمير كرارة، قائلاً :" ألف سلامه عليك شريف مدكورالراجل المحترم ربنا يشفيك ويعافيك ويشيل عنك".
وكتب الفنان صلاح عبد الله:" عمري ماشفتك غير في الشارع بتاعك شارع شريف وكنت دايماً بنبسط لما بشوف برنامجك ولما عرفت حالتك الصحية دلوقتي إضايقت وزعلت قوي واللي هون عليا إن كل الناس بتحبك وبتدعيلك بالشفاء التام والعاجل بفضله تعالى".
وطالب الفنان أحمد فلوكس جمهوره الدعاء للإعلامى شريف مدكور ، قائلاً:" ربنا يقومك بالسلامه يا شريف .. دعواتكم للراجل ده".
وقالت الفنانة بدرية طلبة:" ربنا يتم شفاك على خير وتقوم لحبايبك واهلك واصحابك وشغلك بالسلامة ياغالي يامحترم".
وعلقت نشوى مصطفى، على منشور للإعلامى شريف مدكور يشكر من خلاله جمهوره الذى حاول الإطمئنان على صحته ، قائلاً:" ياشريف أنا بحبك أوى أنا وكل الناس اللي اعرفهم — أمى لما عرفت أنك تعبان قعدت تدعيلك كتير أوى وبتقول لك حتخف وتبقى زي الفل بإذن الله".
وكان قد أعلن المذيع شريف مدكور، إصابته بورم فى القولون، معلنًا عودته للعمل بداية من الخميس المقبل وأضاف تصريحات تلفزيونية: "أقدم شكر خاص للممرضة التى رافقتى أثناء الاطمئنان على صحتى، وهناك طفرة فى التمريض بمصر، وطريقة التعامل مع المرضى.. وأنه فى أول أسبوع فى رمضان المقبل سيجى عملية لإزالة الورم.. وسيباشر عمله غدا".
وكشف عن حالته الصحية قائلاً: "دخلت الصبح بدرى المستشفى، وعملت إشاعات كشفت إصابتى بورم فى القولون، وهعمل عملية لإزالته في رمضان بإذن الله"، معربًا عن شكره لجميع الجماهير، وموجها الشكر للمرضة التى رافقته، مؤكدا أن هناك طفرة كبيرة فى التمريض ورعايتهم للمرضى.
أحمد فلوكس
بدرية طلبة
ريهام سعيد
صلاح عبد الله
نشوى مصطفى
هنا شيحة