عقب إعلان الإعلامى شريف مدكور، بإصابته بورم فى القولون، حرص عدد كبير من نجوم الفن والإعلام على توجيه رسائل دعم ودعوات بالشفاء.
وكتبت الإعلامية ريهام سعيد، قائلة: "بحبك وبحترمك وشدة وتزول هو مرض خبيث والسرطان حاجه سخيفه بس عبيطه كلنا معاك ووراك".
ريهام سعيد
وقال الفنان محمود البزاوى: "شريف مدكور بالنسبة لى وجه التفائل والسعادة حد اللى فى قلبه على لسانه كده..كنت بتفرج على برامجه اللى دايما بيقدم من خلالها محتوى لطيف ولذيذ وعمره ما استخدمها للرد على الناس اللى بتعترض على شخصه..ربنا يشفيك يا شريف يا جميل وترجع لينا بكل صحه وسعادة زى ما عودتنا دايما شريف مدكور".
وغرد النجم أمير كرارة، قائلاً: "ألف سلامه عليك شريف مدكورالراجل المحترم ربنا يشفيك ويعافيك ويشيل عنك".
أمير كرارة
وكتب الفنان صلاح عبد الله: "عمرى ماشفتك غير فى الشارع بتاعك شارع شريف، وكنت دايماً بنبسط لما بشوف برنامجك ولما عرفت حالتك الصحية دلوقتى إضايقت وزعلت قوى واللى هون عليا إن كل الناس بتحبك وبتدعيلك بالشفاء التام والعاجل بفضله تعالى".
صلاح عبد الله
وطالب الفنان أحمد فلوكس، جمهوره الدعاء للإعلامى شريف مدكور، قائلاً:" ربنا يقومك بالسلامه يا شريف .. دعواتكم للراجل ده"، وعلقت الفنانة هنا شيحة قائلة:"ربنا يشفيك يا شريف .. أنت راجل خلوق وطيب والناس بتحبك وقلبك أبيض .. إن شاء الله تقوم بالسلامه" وقالت الفنانة بدرية طلبة:" ربنا يتم شفاك على خير وتقوم لحبايبك وأهلك وأصحابك وشغلك بالسلامة ياغالي يامحترم".
أحمد فلوكس
وعلقت نشوى مصطفى، على منشور للإعلامى شريف مدكور يشكر من خلاله جمهوره الذى حاول الإطمئنان على صحته ، وقالت :"ياشريف أنا بحبك أوى أنا وكل الناس اللي اعرفهم أمى لما عرفت أنك تعبان قعدت تدعيلك كتير أوى وبتقول لك حتخف وتبقى زي الفل بإذن الله".
نشوى مصطفى
وحرصت الإعلامية رضوى الشربينى، على مواساة الإعلامى شريف مدكور، بعد إعلان إصابته بورم فى القولون.
ونشرت رضوى صورة جمعتها مع مدكور، صحبتها بتعليق: "ألف مليون سلامة عليك وترجع للناس اللى بتحبك وجمهورك بألف سلامة".
وكان المذيع شريف مدكور، أعلن عن إصابته بورم فى القولون، مضيفا: "أقدم شكر خاص للممرضة التى رافقتى أثناء الاطمئنان على صحتى، وهناك طفرة فى التمريض بمصر، وطريقة التعامل مع المرضى.. وأنه فى أول أسبوع فى رمضان المقبل سيجرى عملية لإزالة الورم.. وسيباشر عمله".