أشاد عدد كبير من رواد مواقع التواصل الاجتماعى، بمسلسل بركة للنجم عمرو سعد، والمعروض على فضائية cbc، حيث تصاعدت وتيرة الأحداث فى الحلقات الثالثة عشر والرابعة عشر، عقب وفاة والد بركة ضمن أحداث العمل.
وأشاد كمال زاخر المفكر القبطى، بالمسلسل عبر صفحته الرسمية على فيسبوك، قائلا :"عمرو سعد رد اعتبار الدراما بمسلسل بركة".
كما نشر الروائي عبد الصبور بدر، بوست على صفحته الرسمية بفيس بوك، يوضح الفرق بين الجلباب الصعيدى فى مسلسل بركة للنجم عمرو سعد، ومسلسل ولد الغلابة للنجم أحمد السقا، وكتب الروائي :"شخصية الصعيدي في الدراما زي الجلابية الصعيدي، لو الممثل درس ملامحها الداخلية هتبقى مظبوطة عليه وهتاكل منه حتة زى عمرو سعد في مسلسل "بركة"، ولو اكتفى بإكسسواراتها الخارجية هتبقى واسعة عليه ويبان فيها زي خيال المآتة زى أحمد السقا في "ولد الغلابة".
وفى بوست أخر كتب عن علاقة الفنان احمد حلاوة بالمسلسل قائلاً:"امبارح كلمت عمنا أحمد حلاوة عشان أهنيه بنجاح "بركة" قالي: أنا عملت أدوار صعيدي كتير بس أظن الدور ده هيعلم مع الناس.. قلت له: والله يا عم حلاوة أنا بتفرج كل يوم على مبارزة بين الممثلين.. كلكم ماشاء الله حاجه تفرح .. قالي: عمرو سعد ده فنان محترم جدا.. قلت له: اشمعنا؟.. قالي: في مشهد بيني وبينه وفي كلمة انا بقولها والمخرج جاب الكلوز عليه ، هو ما بيتفرجش، بس حاطط واحد في المونتاح من طرفه بيفهم.. لما عرف بالحكاية دي طلب يعيد تظبيط المونتاج بحيث الكلوز يبقى على وشي أنا.. يبقى محترم ولا مش محترم؟.. قلت له: محترم طبعا.. وفنان عبقري كمان قالي: النجوم الكبار بيبقوا دايما عايزين التركيز يبقى عليهم في الكاميرا.. إلا عمرو سعد.. بيدي كل واحد حقه" .