كشف الفنان سامى فهمى عن موقف جمعه بالفنان عادل إمام، على خشبة مسرحية "شاهد ماشفش حاجة"، فى أحد اللقاءات التلفزيونية و عن أشاده الزعيم بأدائه دور "شاكر فضله" فى مسلسل فرصة العمر بشكل طبيعي للغاية واتقان الشخصية بشكل كبير، وأن هذه الشخصية هي من قدمته للجمهور واشتهر بها.
وقال سامى فهمى، " أنا بحب اسمع الراديو، وكنت ساعتها بحلق ذقنى وبسمع الراديو برنامج الشرق الأوسط لإيناس جوهر واستضافت عادل إمام وبعد ما خلصت اللقاء سألته عن " شاكر فضله" قالها ده قصة طويلة أوى وأشاد بالدور".
وتابع سامى فهمى، حديثه أنه توجه مساء إلى المسرح الذي يعرض عليه عادل إمام مسرحيته "شاهد ماشفش حاجة"، ليقابله ويشكره على حديثه عنه فى الإذاعة، قائلا: عادل امام قابلنى مقابلة رائعة جدا وقتله أنا جى أشكرك على كلامك و دى مقابلة سريعة و عارف وقتك رد عليها إمام قعد انت رايح فين أنت هتطلع معايا على المسرح و ساعتها طلب من الفنان سعيد طرابيك وكان مدير المسرح وقاله فى المشهد الفلانى الباب يخبط و سامى هيدخل".
وأكمل سامى، كلامه قائلا:" فعلا طلعت على المسرح مع عادل امام و أول ما دخلت الناس استغربت مين ده وبيكلموا بعض ملهوش علاقة بالمسرحية، خدنى عادل فى نص المسرح وقالى شاكر فضله ايه اللى جابك هنا، وساعتها كل اللى فى الصالة تصفيق و تصفير جامد جدا لدرجة انى متملكتش نفسى وعيطت من شدة تأثر، وطى عليا عادل إمام و قالى شايف الناس بتحبك ازاى".